नेपाली बजारमा एक्स्ट्रिम सिरिजका दुई मोटरसाइकल सार्वजनिक गर्दै हिरो

काठमाडौं – नेपालका लागि हिरो मोटोकर्पको आधिकारिक वितरक सीजी मोटर्सले एक्स्ट्रिम सिरिजका दुई नयाँ बाइक सार्वजनिक गर्ने घोषणा गरेको छ । हिरो मोटोकर्पले आफ्नो नविनतम उत्पादनहरू एक्स्ट्रिम १२५ आर र एक्स्ट्रिम १६० आर नेपालमा सार्वजनिक गर्ने घोषणा गरेको हो ।

बहुप्रतिक्षित यी दूबै नयाँ बाइक गोकर्ण फरेस्ट रिसोर्टमा आयोजना हुने भव्य कार्यक्रम मार्फत सार्वजनिक गरिने कम्पनीले जानकारी दिएको छ । नयाँ बाइकहरुले अटोमोबाइल प्रेमी र उद्योगका सरोकारवालाहरूलाई अविस्मरणिय अनुभव प्रदान गर्ने कम्पनीको विश्वास छ ।

सार्वजनिक हुने क्रममा रहेका एक्स्ट्रिम सिरिज उच्च प्रदर्शन, अत्याधुनिक विशेषताहरू र साहसी तथा आकर्षक डिजाइनको एक उत्कृष्ट संयोजन हो । सार्वजनिक हुने तयारीमा रहेका नयाँ सिरिजका यी बाइकले नेपाली दुईपाङ्ग्रे बजारमा नयाँ मानक स्थापित गर्ने कम्पनीको दावी छ ।

एक्स्ट्रिम १२५ आर सिंगल च्यानल एबीएस रहेको छ । यसले सुरक्षित यात्रा तथा सवारीका लागि उन्नत ब्रेकिङ प्रविधि प्रदान गर्छ । यो श्रेणीकै सर्वाधिक तीव्र गतिको मोटरसाइकल भएको कम्पनीको भनाइ छ । यसले सर्वाधिक गति र तिव्रताको समायोजन सहितको रोमाञ्चक सवारी अनुभव प्रदान गर्छ ।

यसमा सुरक्षित यात्राका लागि स्थिरता र उत्कृष्ट नियन्त्रण प्रदान गर्न फराकिलो रियर टायरको व्यवस्था छ । त्यसैगरी सुदृढ दृश्य तथा यात्रामा सुरक्षार्थ नवप्रवर्तनात्मक प्रविधि सहितको एलईडी हेडलाइटको सुविधा छ भने यसमा रहेको ब्लुटुथ कनेक्टिभिटीले चालकका लागि सुदृढ सहजता, सुरक्षा र मनोरञ्जन सुविधा प्रदान गर्छ । ।

एक्स्ट्रिम १६० आरमा श्रेणीकै सर्वाधिक गति क्षमता छ । तीव्र गतिको चाहना राख्नेका लागि विशेष रूपमा डिजाइन गरिएको यो बाइकमा रोमाञ्चक अनुभूतिका साथै सुरक्षाका लागि आवश्यक संयन्त्रको उचित व्यवस्था गरिएको छ । यसमा रहेको केवाईबी (KYB) ब्रान्डको फ्रन्ट यूएसडी सस्पेन्सनमार्फत प्रवाह हुने प्रभावकारी फ्रन्ट ब्रेकिङ प्रणालीको ब्यवस्थाले आरामदायी, नियन्त्रित र सहज यात्राको सुनिश्चितता प्रदान गर्दछ भने यसमा रहेको ब्लुटुथ कनेक्टिभिटीले चालकका लागि सुदृढ सहजता, सुरक्षा र मनोरञ्जन सुविधा प्रदान गर्छ । ।

सार्वजनिकको तयारीमा रहेका नयाँ सिरिजले हिरो मोटोकर्पको गुणस्तर, नवप्रवर्तन र उत्कृष्ट सवारी अनुभवप्रतिको प्रतिबद्धतालाई अझ प्रस्ट्याउन सघाउने कम्पनीले विश्वास लिएको बताएको छ ।