नयाँ फिचर र अपडेटेड प्रविधि सहित आयो टीभीएस अपाचे आरटीआर १६० ४भी

टीभीएस मोटर्सले १६० सीसी नेकेड बाइक सेगमेन्टमा टीभीएस अपाचे आरटीआर ४भी बाइक अपडेट सहित लन्च गरेको छ। अपडेट बाइकमा कम्पनीले केही नयाँ फिचर र प्रविधि थपेको छ ।

टीभीएसले सो बाइकमा १५९.७ सीसी क्षमताको आयल फ्युल इन्जेक्टेड ४ भल्भ इन्जिनले सुसज्जित गरेको छ, जसका कारण बाइकले १७.५५ पीएस पावर र १४.७३ एनएमको टर्क जेनेरेट गर्छ ।

बाइकमा केही उत्कृष्ट फिचर उपलब्ध गराइएको छ, जसमा सेगमेन्टमा पहिलो ३७ एमएम यूएसडी फोर्क दिइएको छ। साथै बाइकमा राइडिङका लागि स्पोर्ट, अर्बन र रेन गरी तीन मोड उपलब्ध गराइएको छ ।

बाइकमा टीभीएस स्मार्टकनेक्ट प्रविधि दिइएको छ । यसमा ब्लुटुथ कनेक्टिभिटी, टर्न बाइ टर्न नेभिगेसन, कल र एसएमएस अलर्ट, भ्वाइस असिस्ट उपलब्ध छ। सेफ्टीका लागि बाइकमा ड्युअल च्यानल एबीएससहितको आरएलपी, एलईडी हेडलाइट र टेल ल्याम्पसहित बुलपप् एग्जास्ट प्रदान गरिएको छ ।

सो बाइक ३ कलरमा ल्याइएको छ। साथै यसमा रेस इन्स्पायर्ड ग्राफिक्स, गोल्डेन फिनिश यूएसडी फोर्क्स, रेड अलोय ह्विल पनि दिइएको छ। टीभीएसद्वारा अपडेट गरिएको अपाचे आरटीआर १६० ४भी बाइकको मूल्य १ लाख ४० हजार भारु राखिएको छ।