टीभीएस अपाचे आरआर ३१० को नयाँ संस्करण लन्च हुने, देखियो परीक्षणमा

टीभीएसले आफ्नो फ्ल्यागशिप सुपरस्पोर्ट मोटरसाइकल अपाचे आरआर ३१० को अपडेटेड संस्करण लन्च गर्ने तयारी गरिरहेको छ । हालै सो बाइक परीक्षणको क्रममा देखिएको थियो ।

अपाचे आरआर ३१० को डिजाइन कम्पनीको पुरानो मोडल जस्तै हुने सक्ने अनुमान गरिएको छ । यद्यपि, यसमा केही फिचर अपडेट हुनेछ । मिडिया रिपोर्टका अनुसार नयाँ अपाचेमा यूएसडी फ्रन्ट फोर्क्स, मोनोशक र फ्रन्ट र रियर डिस्क ब्रेक यथावत् हुनेछ ।

अपाचे आरआर ३१० ३१२ सीसी, सिंगल-सिलिन्डर, लिक्विड-कूल्ड इन्जिनले सुसज्जित हुनेछ, जसले ३४ बीएचपीको पावर र २७.३ एनएमको टर्क जेनेरेट गर्छ । यसको इन्जिन ६ स्पिड गियरबक्ससँग जोडिएको हुनेछ । नयाँ अपाचे थप पावरको साथमा आउने अपेक्षा गरिएको छ ।

नयाँ अपडेट टीभीएस अपाचे आरआर ३१० को मूल्यमा थोरै वृद्धि हुनेछ । रिपोर्टका अनुसार यसको मूल्य २ लाख ७२ हजार भारु हुन सक्छ । सो बाइकले भारतीय बजारमा केटीएम आरसी ३९०, अप्रिला आरएस ४५७ र यामाहा वाईजेडएफ आर३ सँग प्रतिस्पर्धा गर्नेछ ।