एमजी जेडएस ईभीको मूल्यमा भारी कटौती, ४७ लाखमै पाइने

काठमाडौं– एमजी गाडीको नेपालका लागि आधिकारिक वितरक पारामाउन्ट मोटर्सले आफ्नो लोकप्रिय बिद्युतिय एसयुभी जेडएस ईभीमा भारी मूल्य कटौती गरेको छ । कम्पनीले नाडा अटो शो र दशैंलाई लक्षित गरी ६ लाख रुपैँया कटौती गरेको हो ।

यसअघि ५२ लाख ९९ हजारमा बिक्री हुँदै आएको जेडएस ईभीको डिलक्स भेरिएन्टमा एकैपटक ६ लाख रुपैयाँ घटाएर ४६ लाख ९९ हजार कायम गरिएको हो । एमजीको १०० वर्ष पुरा भएको अवसरमा पारामाउन्ट मोटर्सले नेपालमा पनि ‘सेलिब्रेसन अफ अ सेन्चुरी’ योजना ल्याएको कम्पनीले जनाएको छ ।

कम्पनीले यसलाई विशेष अफर भनेको छ र उक्त योजना अन्तर्गत गाडी किन्ने १०० जना ग्राहकमात्र यसबाट लाभन्वित हुनेछन् । एमजी जेडएस नेपाली ईभी पारखीको रोजाइमा पर्दै आएको लोकप्रिय एसयूभी हो । पछिल्लो समय बजारमा नयाँ–नयाँ ब्रान्डका ईभी भित्रिने क्रम बढेसंगै भने यसको बिक्री घटेको छ ।