ओलाले ल्यायो रोडस्टर सिरिजको ३ इलेक्ट्रिक बाइक

भारतको स्वतन्त्रता दिवसको अवसरमा ओला इलेक्ट्रिकले रोडस्टर सिरिजको ३ वटा नयाँ इलेक्ट्रिक बाइक लन्च गरेको छ । ओलाले रोडस्टर एक्सलाई इन्ट्री लेभल सेगमेन्ट इलेक्ट्रिक बाइक, मिड सेगमेन्टमा रोडस्टर र प्रिमियम सेगमेन्टमा रोडस्टर प्रो लन्च गरेको हो । बाइकमा धेरै उत्कृष्ट फिचस दिइएको छ ।

ओलाले आफ्नो नयाँ बाइकहरूमा धेरै ब्याट्रीको विकल्प प्रदान गरिएको छ । रोडस्टर प्रोमा ८ र १६ किलोवाट क्षमताको ब्याट्री विकल्प दिइएको छ, जसले फुल चार्जमा ५७९ किलोमिटरको रेन्ज दिन्छ । साथै यसमा जडान गरिएको मोटरले ५३ किलोवाटको पावर र १०५ एनएम टर्क जेनेरेट गर्छ ।

रोडस्टरमा ३.५, ४.५ र ६ किलोवाटको ब्याट्रीको विकल्प उपलब्ध छ । जसका कारण यसले २४८ किलोमिटरको रेन्ज प्रदान गर्छ । ओला इलेक्ट्रिकको इन्ट्री लेभल सेगमेन्ट रोडस्टर एक्स इलेक्ट्रिक बाइक २.५, ३.५ र ४.५ किलोवाट क्षमताको ब्याट्री प्रदान गरिएको छ । यसको टप स्पिड २०० किलोमिटर रहेको छ ।

ओलाको नयाँ इलेक्ट्रिक बाइकमा उत्कृष्ट फिचर प्रदान गरिएको छ । यी मध्ये सबै एलईडी लाइट रोडस्टर प्रोमा उपलब्ध छ । साथै एलईडी डीआरएल, यूएसडी फोर्क, टु च्यानल स्विच गर्न मिल्ने एबीएस, अगाडि र पछाडि डिस्क ब्रेक, कर्नरिङ एबीएस, इमर्जेन्सी एसओएस, स्पिड लिमिट अलर्ट, एडप्टिभ क्रुज कन्ट्रोल, कलिसन अलर्ट, रेस फर राइड, अर्बन रेन र अफ रोड मोड जस्ता फिचर दिइएको छ । जबकि इन्ट्री लेभल रोडस्टर एक्स इलेक्ट्रिक बाइकमा सीबीएस, डिस्क ब्रेक, स्पोर्टस, नर्मल, ईको राइडिङ मोड, टर्न बाई टर्न नेभिगेसन, ओटीए अपडेट र डिजिटल की लक जस्ता फिचर प्रदान गरिएको छ ।

ओलाले रोडस्टर एक्स इलेक्ट्रिक बाइक ७५ हजार भारु एक्स शोरुम मूल्यमा लन्च गरिएको हो । कम्पनीको अन्य रोडस्टरको प्रारम्भिक एक्स शोरुम मूल्य १ लाख ५ हजार भारु राखिएको छ । रोडस्टर प्रो ८ को प्रारम्भिक एक्स शोरूम मूल्य २ लाख भारुमा लन्च गरिएको छ । बाइक बुकिङ सुरु भइसकेको छ । यद्यपि रोडस्टर र रोडस्टर एक्सको डेलिभरी जनवरीदेखि र रोडस्टर प्रोको डेलिभरी तिहारदेखि सुरु हुनेछ ।