‘अल–ब्ल्याक’ एडिसनमा आउँदै टिभिएस एनटर्क

टिभिएसको लोकप्रिय स्कुटर एनटर्क नयाँ एडिसनमा आउने भएको छ । कम्पनीले हालै जारी गरेको टिजरअनुसार यो अल ब्ल्याक एडिसन हुने अनुमान गर्न सकिन्छ । कम्पनीले भारतमा यसको प्रि वुकिङ समेत लिन सुरु गरिसकेको छ ।

सो नयाँ भेरियन्टको बडीवर्क फिचर पूर्ण रुपमा कालो हुनेछ । ब्ल्याक–आउट साइड प्यानल र अगाडि एप्रन बाहेक, स्कूटरमा कालो मडगार्डहरू पनि उपलब्ध हुनेछ ।

ब्ल्याक एडिसनको ईन्जिन हाल उपलब्ध मोडलमा जस्तै १२५ सिसी सिंगल–सिलिन्डर हुने अपेक्षा गरिएको छ । उक्त इन्जिनले ९.२५ बिएचपी र १०.५ एनएम टर्क जेनेरेट गर्दछ ।

सो नयाँ एडिसन रेस एक्सपी भेरिएन्टमा पनि उपलबध हुने कम्पनीले जनाएको छ । एनटर्क रेस एक्सपीमा टिभिएसले अलि बढी शक्तिशाली इन्जिन दिएको छ ।