एमजी क्लाउड ईभीको पहिलो टिजर रिलिज, छिट्टै लन्च हुने

एमजी मोटरले आफ्नो बहुप्रतीक्षित क्लाउड ईभीको नयाँ टिजर सार्वजनिक गरेको छ । कम्पनीले आगामी फेस्टिभ सिजनमा एमजी क्लाउड ईभी लन्च गर्ने तयारी गरिरहेको छ, जुन धेरै पटक परीक्षणको क्रममा देखिएको छ ।

एमजी क्लाउड ईभी पूर्ण रूपमा डिजिटल इन्स्ट्रयुमेन्ट क्लस्टर र इन्डोनेसियाली मोडल जस्तै ठुलो इन्फोटेनमेन्ट टचस्क्रिन सिस्टमले सुसज्जित हुने सम्भावना छ । सो कार इन्डोनेसियामा वुलिङ ब्रान्ड अन्तर्गत रहेको छ । सो कारको नयाँ टिजर अनुसार कारमा टु स्पोक स्टेयरिङ ह्विल जडान गर्न सकिन्छ, जसको माध्यमबाट इन्फोटेनमेन्ट सिस्टमलाई नियन्त्रण गर्न सकिन्छ भन्ने अनुमान गर्न सकिन्छ ।

सो एसयूभी क्रसओभर सनरुफको साथ आउने सम्भावना छ । यसमा एलईडी हेडलाइट, एलईडी लाइट बार, एलईडी टेल ल्याम्प, ठुलो स्पोइलर र प्यानोरामिक सनरुफ हुनेछ । सो इलेक्ट्रिक कारको कुल लम्बाइ ४.३ मिटर हुनेछ ।

भारत-स्पेक मोडलको ब्याट्रीको स्पेसिफिकेशन अझै खुलासा गरिएको छैन । तर, विदेशमा बिक्रीमा उपलब्ध एमजी क्लाउडमा २ वटा ब्याट्री प्याकको विकल्प पाउँछ । यसमा सानो ब्याट्री प्याक ३७.९ किलोवाटको छ जसले ३६० किलोमिटरको रेन्ज र दोस्रो ५०.६ किलोवाट, जसले ४६० किलोमिटरको ड्राइभिङ रेन्ज प्रदान गर्छ । ई२६० ईभी प्लेटफर्ममा आधारित क्लाउड ईभीमा ६०६ लिटरको बुट स्पेस छ ।

फिचरको लागि यसमा वायरलेस एप्पल कारप्ले र एन्ड्रोइड अटो इन्टिग्रेशन सहितको ठुलो टचस्क्रिन इन्फोटेनमेन्ट डिस्प्ले, अल-डिजिटल इन्स्ट्रयुमेन्ट कन्सोल, इन-कार कनेक्टेड टेक्नोलोजी, लेभल २ एडीएएस, अटोमेटिक क्लाइमेट कन्ट्रोल, ३६० डिग्री क्यामेरा र प्यानोरामिक सनरुफ आदि समावेश छ ।

भारतमा एमजी सीयूभी क्लाउड गाडी ५०.६ किलोवाट ब्याट्री प्याकमा लन्च हुन सक्ने अनुमान गरिएको छ । मिडिया रिपोर्टका अनुसार एमजी क्लाउडको मूल्य लगभग २० लाख भारु हुने अनुमान गरिएको छ । यसले भारतमा टाटा नेक्सन ईभी, महिन्द्रा एक्सयूभी ४०० आदिका मिड र हाई-स्पेक भेरिएन्टसँग प्रतिस्पर्धा गर्नेछ ।

नेपाली बजारमा पनि एमजीका गाडी पारामाउन्ट मोटर्सले बिक्री–वितरण गरिरहेको छ । यसका आधारमा भविष्यमा यो कार नेपाली बजारमा समेत आउने अनुमान गर्न सकिन्छ ।