अपडेटेड २०२४ हिरो एक्सट्रिम १६०आर ४भी लन्च

हिरो मोटोकर्पले अपडेटेड एक्सट्रिम १६०आर भी४ भारतीय बजारमा लन्च गरेको छ । सो बाइकको लुक निकै स्टाइलिस छ र यसलाई नयाँ कलर मिक्सका साथ लन्च गरिएको छ ।

हिरो एक्सट्रिम १६०आर भी४ ट्विन डिस्क, कनेक्टेड र प्रिमियम भेरिएन्ट गरी ३ भेरिएन्टमा उपलब्ध छ । अपडेट गरिएको मोडल करिब २ हजार भारु महँगो छ । नयाँ बाइकमा नयाँ ग्राफिक्स, अपडेटेड हेडल्याम्प, नयाँ कलर स्किम, ४भी टेक्नोलोजी र अपसाइड-डाउन फ्रन्ट फोर्कका साथमा अपडेट गरिएको छ ।

यसमा १६३.२ सीसी, एकल-सिलिन्डर, एयर र आयल कुल्ड ४ भल्व इन्जिन समावेश छ, जसले १६.६ बीएचपी र १४.६ एनएम टर्क उत्पादन गर्छ । यसको पावरट्रेन ५ स्पिड ट्रान्समिशनसँग जोडिएको छ । बाइकको अगाडि यूएसडी फोर्क र पछाडि प्रिलोड एडजस्टेबल मोनोशक रहेको छ । ब्रेकिङको लागि दुबै पाङ्ग्रामा डिस्क ब्रेक जोडिएको छ ।

सो बाइकमा ०-६० किलोमिटर प्रतिघण्टा र ०-४०२ मिटर स्प्रिन्टको लागि ड्याग टाइमर पनि उपलब्ध छ । बाइकको सिटको उचाइ ७९५ एमएम, ग्राउन्ड क्लियरेन्स १६५ एमएम र १७ इन्चको अलोय ह्विल रहेको छ ।

सो बाइक भारतीय बजारमा १ लाख ३८ हजार भारु मूल्यमा लन्च गरिएको छ। सो बाइकले यस सेगमेन्टमा बजाज पल्सर एन१६०, टीभीएस अपाचे आरटीआर १६० ४भी, सुजुकी जिक्सर १५५ र ​​अन्य मोटरसाइकलसँग प्रतिस्पर्धा गर्नेछ ।