७ वर्षसम्म स्थिर रहने ब्याजदरमा एमजी ईभी किन्न पाइने, ब्याजदर ८.९९ प्रतिशत

काठमाडौं– एमजी ब्राण्डका ईभी ग्राहकले ७ वर्षसम्म स्थिर रहने ब्याजदरमा खरिद गर्न पाउने भएका छन् । एमजी गाडीको नेपालका लागि आधिकारिक वितरक पारामाउन्ट मोटर्ससले ७ वर्षसम्म स्थिर रहने ब्याजदर ८.९९ प्रतिशतमा ईभी बिक्री गर्ने योजना ल्याएको हो ।

पारामाउन्ट मोटर्सले अहिले एमजीका तीनवटा ईभी मोडल बिक्री गर्दै आएको छ । जसअन्तर्गत, मिनी कार कोमेटको पेस भेरिएन्टलाई १८ लाख र प्लेलाई २१ लाख पर्छ । यसैगरी, एमजी४ को कम्फर्ट भेरिएन्टलाई ४१ लाख ४९ हजार तथा डिलक्सलाई ५० लाख पर्छ ।

एमजीको सर्बाधिक सफल मोडल जेडएस ईभी तीनवटा भेरिएन्टमा उपलब्ध छ । जसअनुसार, लङ रेन्ज भेरिएन्टको ७२ लाख, कम्फर्टको ४८ लाख ४९ हजार र डिलक्सको ५३ लाख रुपैयाँ निर्धारण गरिएको छ ।

एमजीका यी कार खरिद गर्न ग्राहकले सुरुमा २० प्रतिशत डाउनपेमेन्ट गरेर बाँकी रकम किस्तावन्दिमा भुक्तानी गर्न सक्नेछन् ।