परीक्षणको क्रममा देखियो एड्भेन्चर बाइक हिरो एक्सपल्स २१०, यी परिवर्तनको सम्भावना

हिरो एक्सपल्स २१० बाइकको परीक्षण सुरु भइसकेको छ । सो बाइक भारतमा लन्च हुनु अघि परीक्षणको क्रममा देखिएको थियो । हिरो एक्सपल्स २१० एड्भेन्चर बाइक प्रेमीहरुले लामो समयदेखि हिरो एक्सपल्सको नयाँ मोडलको प्रतिक्षा गरिरहेका थिए ।

परीक्षणको क्रममा देखिएको हिरो एक्सपल्स २१० बाइकमा करिज्मा एक्सएमआरबाट लिइएको २१० सीसी, लिक्विड-कुल्ड मोटर हुनेछ, जसले २५.१५ बीएचपीको पावर र २०.४ एनएमको पिक टर्क जेनेरेट गर्नेछ । साथै, नयाँ हिरो एक्सपल्स २१० मा ठुलो इन्धन ट्याङ्की देख्न सकिन्छ ।

एक्सपल्स २१० मा एलईडी हेडलाइट, एच आकारको एलईडी डीआरएल, एलईडी टेललाइट, इन्जिन कट-अफ सेन्सर, इन्जिन किल स्विच, ब्लुटुथ कनेक्टिभिटी जस्ता फिचर देख्न सकिन्छ । साथै यसमा डिजिटल इन्स्ट्रयुमेन्ट क्लस्टर र टर्न–बाई–टर्न नेभिगेसन, यूएसबी चार्जिङ पोर्ट, अगाडि र पछाडि डिस्क ब्रेक, उच्च सस्पेन्सन यात्रा र ग्राउन्ड क्लियरेन्सको साथ पूर्ण रूपमा समायोजन गर्न सकिने फ्रन्ट र रियर सस्पेन्सनमा देख्न सकिन्छ ।

सहरी क्षेत्रमा एक्सपल्स २०० चलाउन सजिलो भए तापनि हाईवेमा केही समस्याको सामना गर्नु पर्ने भएकाले एक्सपल्स २१० सीसी इन्जिनबाट सुधार हुने अनुमान गरिएको छ । यसको साथै सो बाइक प्यानियर बक्सले सुसज्जित हुनेछ । भारतमा हिरो एक्सपल्स २१० सन् २०२५ को सुरुमा लन्च हुने अपेक्षा गरिएको छ ।