पन्च ईभीले पायो ५ स्टार रेटिङ, कहिले आउला नेपाल ?

टाटा मोटर्सको माईक्रो एसयूभी पन्च ईभीले क्र्यास टेष्टमा ५ स्टार रेटिङ हात पारेको छ । भारत एनक्यापले हालै सम्पन्न गरेको उक्त टेष्टमा पन्च ईभीले एडल्डट र चाइल्ड दुबै अकुपेन्ट प्रोटेक्सनमा ५ स्टार रेटिङ पाएको हो । यसअघि ५ स्टार रेटिङ पाएका नेक्सन ईभी, ह्यारियर र सफारीले पाएभन्दा बढी अंक प्राप्त गर्दै यो सानो ईभीले सुरक्षामा आफूलाई अब्बल साबित गरेको छ ।

पन्च ईभीले एडल्ट अकुपेन्ट प्रोटेक्सन अन्तर्गत कुल ३२ अंकमा ३१.६ र चाइल्ड प्रोटेक्सनमा ४७ मध्ये ४५ अंक प्राप्त गरेको छ । यसैगरी अन्य विधागत टेष्टमा पनि उत्कृष्ट अंक हाँसिल गरेको जनाइएको छ ।

पन्च ईभीलाई सुरक्षित बनाउन टाटा मोटर्सले यसको सबै भेरिएन्टमा ६ वटा एयरब्याग, एबिएस, ईएससी, सबै सिटमा थ्री प्वाइन्ट सिट बेल्ट र आइएसओएफआइएक्स माउन्ट लगायत फिचर दिएको छ । यसमा जडान गरिएको २५ किलोवाट आवर क्षमताको ब्याट्रीले सिंगल चार्जमा ३१५ किलोमिटर र ३५ किलोवाट आवरको ब्याट्रीले ४२१ किलोमिटर रेन्ज दिने दावी गरिएको छ ।

पन्च नेपाली बजारमा निकै प्रतिक्षा गरिएको ईभी हो । यो ईभी गत बर्ष भारतमा लन्च भएलगत्तै नेपाल आउने अपेक्षा गरिएको थियो । तर भारतमै माग अत्याधिक धेरै भएको र नेपालमा चिनियाँ ब्राण्डका बर्चस्व बढ्दै गएपछि आधिकारिक वितरक सिप्रदी टे«डिङले यसलाई नेपाल ल्याउन खासै पहल गरेन ।

भारतमा ११ देखी १५ लाख ५० हजार भारुसम्म मूल्य निर्धारण गरिएको यो सुरक्षित ईभी आगामी भदौ महिनामा आयोजना हुने नाडा अटो शोमा नेपाल आउने अपेक्षा गर्न सकिन्छ।