बिएमडब्लुले पेट्रोल कारबाट ‘आई’ हटाएर ईभीमा मात्र राख्ने

बिएमडब्लुले पेट्रोलबाट चल्ने सवारी साधनका नामको अन्त्यमा राँखिदै आएको ‘आई’ अक्षरलाई हटाउने भएको छ । उक्त अक्षरलाई इलेक्ट्रिक कारमा मात्र प्रयोग गर्ने रणनिती अनुरुप उसले पेट्रोल कारबाट ‘आई’ हटाउन लागेको हो ।

अटो निर्माताले पहिलोपटक सन् १९७० देखी पेट्रोल इन्जिनबाट चल्ने कारको नाम पछाडी ‘आई’ राख्न थालेको थियो । तर पछि धेरै अटो निर्माताले इभीमा उक्त अक्षरलाई प्राथमिकताका साथ राख्न थालेपछि उपभोक्तामा द्धिविधा नहोस भनेर पेट्रोल गाडीबाट हटाउन लागिएको कम्पनीले जनाएको छ ।

विद्युतीय सवारीमा आई को अर्थ इनोभेसन भन्ने हुन्छ । बिएमडब्लुसंंग पनि इलेक्ट्रिक लाइनअपमा आईएक्स१ देखी आई७ सम्मका मोडल उपलब्ध छ ।