स्टिल उत्पादक जेएसडब्ल्यु समूहले अब कार पनि बनाउने, एमजीसँग ३५ प्रतिशत साझेदारी

भारतको अग्रणी स्टिल उत्पादक जेएसडब्ल्यु समूहले अब इलेक्ट्रिक सवारी साधनमा पनि हात हालेको छ । यसको लागि कम्पनीले चिनियाँ अटोमोबाइल समूह एसआईएसीको स्वामित्वमा रहेको कार निर्माता एमजी मोटरसँग साझेदारी गरेको छ ।

रिपोर्टका अनुसार जेएसडब्ल्यु समूहले एमजी मोटरसँग ३५ प्रतिशतको हिस्सेदारीमा साझेदारी गरेको छ । सो लगानी अन्तर्गत हरेक ३ देखि ६ महिनामा इलेक्ट्रिक सवारी साधन बजारमा ल्याउने योजना बनाएको छ । यो संयुक्त कम्पनीको नाम जेएसडब्ल्यु एमजी मोटर इन्डिया प्राइभेट लिमिटेड राखिएको छ ।

सो कम्पनीले इलेक्ट्रिक सवारी साधनको बढ्दो माग पूरा गर्न वार्षिक १ लाखबाट ३ लाख युनिट बनाउने योजना बनाएको छ । सो कम्पनीले संयुक्त लगानीमा पहिलो इलेक्ट्रिक कार साइबरस्टर पनि सार्वजनिक गरेको छ । यो वर्ष सेप्टेम्बरसम्ममा कम्पनीले पहिलो इलेक्ट्रिक कार लन्च गर्ने योजना बनाएको छ ।

जेएसडब्ल्यु समूहका एक अधिकारीले संयुक्त कम्पनीले सन् २०३० सम्ममा भारतमा १० लाख प्रिमियम इलेक्ट्रिक सवारी साधन बेच्ने लक्ष्य राखेको बताए । हाल एमजीले कोमेट र जेडएस ईभी बजारमा ल्याएको छ ।

एमजीका उत्पादन नेपाली बजारमा पनि उपलब्ध छन् । भविष्यमा साझेदार कम्पनीका सवारी साधन पनि उपलब्ध हुने अनुमान गर्न सकिन्छ ।

लोकप्रिय

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...