टफ बुल ब्रान्डको अटोमोटिभ ब्याट्री अब नेपालमा

काठमाडौं – नेपाली बजारमा नयाँ टफ बुल ब्रान्डको अटोमोटिभ ब्याट्री भित्रिएको छ । भारतको लुधियानामा अवस्थित दीपक इन्टरनेसनलले उत्पादन गरेको सो ब्याट्री ट्युबुलर र अटोमोटिभ गरी दुई सेगमेन्टमा उपलब्ध हुनेछ ।

लामो समय देखि अटोमोटिभ ब्याट्री व्यवसायमा रहेका नवीन बानिया प्रबन्ध निर्देशक रहेको म्याग्नेटिक ट्रेडिङ प्रालिले सो ब्रान्ड नेपाल भित्र्याएको हो । नेपाली बजारका लागि उपयुक्त विभिन्न रेन्जका ट्युबुलर र अटोमोटिभ ब्याट्री उपलब्ध भएको बानियाले बताए ।

ट्युबुलर ब्याट्री १००, १५०, १६० र २०० एएच रेन्जमा उपलब्ध छ भने अटोमोटिभ ब्याट्री ३५, ६५, ८०, १०० र १५० एएच रेन्जमा उपलब्ध छ ।

अटोमोटिभ ब्याट्री हाल चारपांग्रे सवारीका लागि उपलब्ध छ । छिट्टै नै ई–रिक्साका लागि समेत ब्याट्री उपलब्ध हुने बानियाले बताए । त्यसैगरी क्रमशः अन्य रेन्ज समेत उपलब्ध हुनेछ ।

भविष्यमा इन्भर्टर समेत उपलब्ध गराउने कम्पनीको योजना छ ।