३ नयाँ फिचर थपिएर आयो पल्सर एनएस १२५

बजाजले पल्सर सिरिजको एनएस मोडललाई अपग्रेड गरिरहेको छ । कम्पनीले पल्सर एनएस १६० र एनएस २०० पछि सबैभन्दा सानो मोडल एनएस १२५ लाई पनि अपग्रेड गरेर २०२४ संस्करण ल्याएको हो ।

२०२४ एनएस १२५ मा बजाजले तीनवटा महत्वपूर्ण फिचर थप गरेको छ । नयाँ मोडलमा एनालग डिजिटल डिस्प्लेको सट्टा पूर्णत नयाँ डिजिटल इन्स्ट्रयुमेन्ट क्लस्टर दिएको छ । जुन यसअघिका अपडेटेड मोडलमा समेत उपलब्ध रहँदै आएको छ ।

यसैगरी, बाइकमा पूर्णत एलइडी लाइट दिइएको छ भने ब्लुटुथ कनेक्टिभिटी र कनेक्ट एपको सुविधा समेत थपिएको छ । नयाँ एनएस १२५ मा ग्राहकले डिस्प्लेमै इन्धन खपतको अबस्था, गियर पोजिसन र फोन नोटिफिकेसनबारे जानकारी पाउनेछन् ।

नयाँ फिचर अपडेट भएसंगै सो नयाँ बाइक पुरानो मोडलभन्दा ५ हजार ३५१ भारुले महंगो भएको छ । नयाँ मोडलको मूल्य १ लाख ५ हजार भारु तोकिएको छ ।