१२५ सिसीमा हिरोको नयाँ मोटरसाइकल, लन्च हुनु अघि नै लीक भयो तस्विर

हिरोको नयाँ मोटरसाइकल एक्सट्रिम १२५ आर आधिकारिक डेब्यू अघि अनलाइन लीक भएको छ । यो बाइक हिरो वल्र्ड २०२४ कार्यक्रममा सार्वजनिक हुने अपेक्षा गरिएको छ ।

लीक भएको तस्विरमा सो नयाँ मोटरसाइकलमा आक्रामक देखिने एलईडी हेडल्याम्प, मस्कुलर फ्युल ट्याङ्की र ट्याङ्क एक्सटेन्सन ‘१२५आर’ ग्राफिक सहितको स्पोर्टी डिजाइन रहेको छ ।

यसकोे अगाडिको भागमा परम्परागत टेलिस्कोपिक फोर्क र पछाडि मोनोशक दिइएको छ । साथै यसमा आकर्षक एलोई ह्विलर र डिस्क ब्रेक जडान गरिएको छ ।

सो नयाँ मोटरसाइकललाई कम्पनीले माभ्रिक ४४० संगै सार्बजनिक गर्ने तयारी गरिरहेको छ । बाइकमा नयाँ सिंगल सिलिन्डर १२५ सिसी इन्जिन उपलब्ध हुने भएपनि यसको पावर र पर्फमेन्स कस्तो रहन्छ भन्ने विषयमा कुनै जानकारी बाहिर आएको छैन ।

यो नयाँ मोटरसाइकलले बजाज पल्सर १२५ र टीभीएस रेडर १२५ सँग प्रतिस्पर्धा गर्नेछ । यसको मूल्य ९५ हजार भारु पर्ने अनुमान गरिएको छ ।