नयाँ कलरमा थप बोल्ड देखियो यामाहाका यी तीन मोटरसाइकल

यामाहाले आफ्ना तीन लोकप्रिय मोडलमा नयाँ कलर थप गरेर २०२४ मोडल लन्च गरेको छ । एफजेड, एमजेड–एक्स र आर१५ मा नयाँ कलर दिएर कम्पनीले यी मोटरसाइकललाई थप बोल्ड अवतारमा उतारेको हो ।

यी मोटरसाइकलमा मेट ग्रे, रेसिङ ब्लु, मेट ब्ल्याक, मेजेस्टि रेड, मेट टाइटन र म्यागेन्टा मेटालिक लगायत कलर थप गरिएका हुन् ।

एफजेड–एस एफआई भर्सन ४.० र वाईजेडएफ–आर१५ मा तीन नयाँ कलर दिएको यामाहाले एफजेड–एक्समा दुईवटा र एफजेड–एस एफआई भर्सन ३.० तथा एफजेड एफआईमा एउटा नयाँ कलर दिएको हो ।

नयाँ कलरसंगै यी मोटरसाइकल थप बोल्ड देखिएको र यसले प्रतिस्पर्धी ब्राण्डहरु हिरो, बजाज र टिभिएसका बाइकलाई पछि पार्ने कम्पनीले जनाएको छ ।

नयाँ कलर थप गरिनुवाहेक यी मोटरसाइकलको २०२४ मोडलमा मेकानिकल र फिचर लगायत अन्य परिवर्तन भने गरिएको छैन ।