हिरोको ४४० सीसी बाइकको नाम माभ्रिक हुने, हार्ले डेभिडसन एक्स४४० मा आधारित हुने

हिरो मोटोकर्पको बहुप्रतीक्षित ४४० सीसीको बाइक ल्याउने भएको छ र यसको नाम माभ्रिक राखिने समाचार वाहिरिएका छन् ।

हिरो माभ्रिक ४४० बाइक हार्ले डेभिडसन एक्स४४० मा आधारित हुनेछ । हिरोको सो बाइक हार्ले डेभिडसन बीचको साझेदारीमा निर्मित बाइक हुनेछ । सो बाइक हार्ले डेभिडसन एक्स४४० प्लेटफर्ममा आधारित हुनेछ । रिपोर्टका अनुसार कम्पनीले सो बाइक १५ फेब्रुअरीमा लन्च गर्ने सम्भावना छ ।

हिरो माभ्रिक ४४० मा ४४० सीसी, सिंगल सिलिन्डर, एयर कुल्ड इन्जिन हुनेछ, जसले २७ बीएचपीको पावर र ३८ एनएम टर्क जेनेरेट गर्छ । यसलाई ६ स्पिड गियरबक्ससँग जोडिएको छ । यसमा यूएसडी फोर्कलाई परिवर्तन गरी यसको ठाउँमा कन्भेन्सल टेलिस्कोपिक युनिट जोडिने अपेक्षा गरिएको छ ।

सो बाइकमा हार्ले एक्स४४० मा जस्तै ३.५ इन्चको टीएफटी डिस्प्ले हुन सक्ने अपेक्षा गरिएको छ । बाइकमा ब्लुटुथ कनेक्टिभिटी जस्ता फिचर पनि हुनेछ । बाइकको सिटको उचाइ ८०० एमएम हुनेछ । सो बाइकले बजारमा रोयल इन्फिल्डसँग प्रतिस्पर्धा गर्नेछ ।