हिरो करिज्मा एक्सएमआर लन्च, यस्तो छ मूल्य र विशेषता

हिरोले भारतमा करिज्मा एक्सएमआर मोटरसाइकल लन्च गरेको छ । आजै देखि बुकिङ प्रारम्भ गरिएको सो मोटरसाइकलका लागि हाल इन्ट्रोडक्टरी अफर लागू गरिएको छ ।

कुनै समयमा बाइकरहरुका लागि क्रस रहेको करिज्मा मोटरसाइकललाई हिरोले फेरि नयाँ रुपमा प्रस्तुत गरेको हो । यसको नाम करिज्मा एक्सएमआर राखिएको छ । कम्पनीले हालका लागि सो मोटरसाइकलको मूल्य १ लाख ७३ हजार भारु राखेको छ ।

कम्पनीका अनुसार सो मोटरसाइकल ब्ल्याक, येल्लो र रेड गरी तीन कलर अप्सनमा उपलब्ध हुनेछ । यसमा २१० सीसीको इन्जिन दिइएको छ । यो हिरोको पहिलो लिक्विड–कुल्ड २१० सीसी मोटरसाइकल हो । यसमा ओएचसी फोरभी इन्जिन छ । यसले २५.५ पीएस पावर र २०.४ एनएम टर्क जेनेरेट गर्छ । यसमा ६–स्पिड ट्रान्समिसन उपलब्ध छ ।

यसमा ६ स्टेप मोनोशक सस्पेन्सन, ब्लुटुथसहितको एलसीडी इन्स्ट्रयुमेन्ट क्लस्टर, टर्न बाइ टर्न नेभिगेसन, एडजस्ट विन्डशिल्ड, स्लिप एण्ड असिस्ट क्लचलगायत धेरै नयाँ सुविधाहरू दिइएको छ ।