बजाजकाे प्लाटिना बाइकबाट जग्गननाथले गरे साढे ४ लाख किलोमिटर यात्रा, टेकु शाेरूममा गरियाे स्वागत

काठमाडौँ - भारतीय नागरिक जग्गननाथ सिन्धेले बजाजको प्लाटिना बाइकबाट साढे ४ लाख किलोमिटर यात्रा गरेका छन् । सिन्धेलाई बिहीबार बजाज मोटरसाइकलको नेपालका लागि आधिकारिक विक्रेता हंशराज हुलाश चन्द एण्ड कम्पनीले आफ्नो टेकु शोरूममा स्वागत तथा बधाइ दिएको छ ।

उनी भारत महाराष्ट्रका मोटरसाइकल चालक हुन् । उनले १० वर्षमा बजाज प्लाटिना मोटरसाइकलमा भारत र नेपालमा ४ लाख ५० हजार किलोमिटर यात्रा गरेका छन् । यात्राकै सिलसिलामा नेपाल आइपुगेका उनलाई यात्रा सफलता र मोटरसाइकलप्रतिको लगावको सम्मान गर्न ग्रुपले स्वागत गरेको जनाएको छ ।

नेपालमा गोल्छा ग्रुपले गरेको स्वागतले आफू खुसी भएको सिन्धेले बताए । भारत र नेपालमा गरेर यति लामो यात्रा गरेको भन्दै उनले नेपालमा पाएको मायाले उत्साहित भएको प्रतिक्रिया दिए ।

मोटरसाइकलमा ५ लाख किलोमिटर यात्रा गर्ने उद्देश्यकासाथ आफू हिंडेको सिन्धेले बताए ।