हिरो करिज्मा अपडेट सहित भारतमा लन्च गर्ने तयारी अवस्थामा

युवाहरु माझ निकै लोकप्रिय हिरो करिज्मा बाइकको उत्पादन सन् २०१५ मा अचानक बन्द भएको थियो । तर अब फेरि हिरो मोटोकर्पले सो बाइकको अपडेट भर्सन ल्याउने तयारी गरेको छ । कम्पनीले सो बाइकमा धेरै परिवर्तन गर्ने भएको छ ।

हिरो मोटर्सले करिज्माको नयाँ मोडल करिज्मा एक्सएमआर २१० नामले लन्च गर्न लागेको छ । यो करिज्मा जेएमआरको नयाँ भेरिएन्ट हुनेछ । रिपोर्टका अनुसार कम्पनीले फेस्टिभ सिजनमा सो बाइक लन्च गर्ने अनुमान गरिएको छ । सो बाइक लन्च भएमा बजाज पल्सर २५०, डोमिनार २५० र सुजुकीको जिक्सरलाई निकै खतरा हुनेछ ।

यद्यपि कम्पनीले नयाँ करिज्माको कुनै विवरण सार्वजनिक गरेको छैन । तर रिपोर्टका अनुसार नयाँ करिज्मामा एलईडी हेडल्याम्प, टेलल्याम्प, स्प्लिट सिट, एक्जस्ट नोट र अपलिफ्टेड ह्यान्डलबार हुनेछ । बाइकमा एबीएसका साथै नयाँ अलोय ह्विल र डिजिटल इन्स्ट्रयुमेन्ट क्लस्टर पनि हुनेछ ।

बाइकको इन्जिन पहिलेको तुलनामा क्युबिक क्षमतामा अलिकति कम भए पनि बाइकको पावर भने बढाइएको छ । बाइकमा इन्जेक्सन टेक्नोलोजीले सुसज्जित लिक्विड कुल्ड इन्जिन हुने अनुमान गरिएको छ ।