फेरि बजारमा आउँदै छन् कुनै समयमा लोकप्रिय यी ३ बाइक

धेरै कम्पनीहरुले कुनै समयमा चर्चित उत्पादन बन्द गर्ने गर्छन् । विश्व अटोमोबाइल बजारमा पनि यस्ता धेरै उत्पादन उपलब्ध छन्, जुन चर्चित हुँदै गरेको समयमा उत्पादन बन्द हुने गरेका छन् ।

यी मध्ये बाइक पनि पर्छन् । बजाज, यामाहा र हिरोले पनि यस्ता धेरै बाइकलाई बन्द गरेर फेरि बजारमा ल्याउने तयारी गरेका छन् ।

बजारमा टप ३ बाइक आगामी केही वर्षमा भारतीय बजारमा पुनरागमन गर्ने भएका छन् ।

बजाज एभेन्जर २२० स्ट्रिट
बजाज अटोले हाल एभेन्जर २२० क्रुज बाइक बिक्री गरिरहेको छ । रिपोर्टका अनुसार कम्पनीले एभेन्जर २२० स्ट्रिटलाई पुनः लन्च गर्ने योजना बनाएको छ । यसमा एउटै एयर÷आयल कुल्ड, २२० सीसी, सिंगल सिलिन्डर इन्जिन हुनेछ । सो इन्जिनले १९ बीएचपी पावर र १७.५५ एनएमको टर्क जेनेरेट गर्छ । यो इन्जिन ५ स्पिड गियरबक्ससँग जोडिएको छ ।

सस्पेन्सनका लागि बाइकको फ्रन्टमा टेलिस्कोपिक फोर्क र रियरमा ट्विन शार्क एब्जर्बर पाइन्छ । बाइकको फ्रन्टमा डिस्क ब्रेक र रियरमा ड्रम हुने सम्भावना छ ।

यामाहा आर३
रिपोर्टका अनुसार यामाहाले सन् २०२३ मा भारतीय बजारमा प्रिमियम बाइक आर३ फुल्ली फेयर बाइक पुनः लन्च गर्ने सम्भावना छ । यसमा लिक्विड–कुल्ड, ३२१ सीसी, प्यारालल–ट्विन इन्जिन छ । यो इन्जिनले ४२ बीएचपीको पावर र २९.५ एनएमको टर्क जेनेरेट गर्छ ।

डायमण्ड फ्रेम च्यासिसमा आधारित बाइकले ३७ एमएम युएसडी फ्रन्ट फोर्क र रियरमा प्रिलोड–समायोज्य मोनोसक समावेश हुनेछ । यो स्लिपर क्लच र ड्युअल च्यानल एबीएसको साथ उपलब्ध हुनेछ ।

हिरो करिज्मा
हिरो मोटोकर्पले हाल एक्सपल्स ४०० र नयाँ करिज्माको परीक्षण गरिरहेको छ । नेक्स्ट–जेनरेशन हिरो करिज्मा फुल्ली–फेयर्ड बाइक हुनेछ । फुल्ली–फेयर्ड बाइकमा सानो विन्डस्क्रिन हुनेछ र पछाडि स्प्लिट सीटको साथमा पातला सेक्शन र हिट शिल्ड हुनेछ ।

बाइकमा ड्युुअल च्यानल एबीएसको साथमा डिस्क ब्रेक हुनेछ । हिरो मोटोकर्पले करिज्मा एक्सएमआर नेमप्लेटका लागि ट्रेडमार्क दर्ता गरेको छ । यसमा नयाँ २१० सीसी, लिक्विड–कुल्ड इन्जिन हुने अनुमान गरिएको छ । यो ६ स्पिड गियरबक्ससँग जोडिनेछ ।