हुन्डाईको कार लन्च हुनुअघि नै तस्विर लिक, विश्वभर भाइरल !

लामो समयदेखि प्रतीक्षित हुन्डाईको आई२० फेसलिफ्ट मोडलको इन्टेरियर र एक्सटेरियरको तस्विर सामाजिक सञ्जालमा भाइरल भएको छ । सो फेसलिफ्टको तस्विर कोरियाली वेबसाइट अटो स्पाईले लिक गरेको हो । हुन्डाईले सो कार केही दिनमा लन्च गर्न लागेको थियो ।

लिक भएको तस्विर अनुसार कारमा केही परिवर्तन देख्न सकिन्छ । कारको फ्रन्टमा अल एलईडी हेडल्याम्प दिइएको छ तर बम्पर धेरै परिवर्तन गरिएको छैन । कारको साइड प्रोफाइलमा कुनै परिवर्तन गरिएको छैन । यद्यपि, यसको अलोयको डिजाइन परिवर्तन गरिएको छ ।

कारको ब्याक प्रोफाइलमा एलईडी इन्सर्ट जेडको आकारमा दिइएको छ । यसको टेलल्याम्प पनि एलईडीको छ । कारको रियर बम्परमा कुनै परिवर्तन छैन तर यसमा नयाँ रिफ्लेक्टर देख्न सकिन्छ । रियर डिफ्युजरमा सिल्भर गार्निस दिइएको छ ।

नयाँ मोडलको इन्टेरियरमा क्याबिन स्पेस र लेआउटमा कुनै परिवर्तन गरिएको छैन । यसलाई पहिले जस्तै ब्ल्याक थिममा दिइएको छ । कारको इन्स्ट्रयुमेन्ट क्लस्टरलाई नयाँ दिइएको छ र यो फुल टीएफटी छ । कारको टप भेरिएन्टमा भेन्टिलेटेड फ्रन्ट सिट दिएको अनुमान गरिएको छ ।

यसका साथै एन्ड्रोइड अटो र एप्पल कार प्लेलाई सपोर्ट गर्ने १०.२ इन्च इन्फोटेनमेन्ट सिस्टम, मल्टि फङसनल स्टेयरिङ ह्विल, वायरलेस चार्जर जस्ता फिचर पनि कारमा उपलब्ध हुनेछ ।