अगस्टमा लन्च हुने भनिएको हुन्डाई एक्सटर पहिले नै यसरी भयो सार्वजनिक

हुन्डाईको नयाँ माइक्रो एसयूभी एक्सटर लन्च हुनु भन्दा पहिले नै सार्वजनिक भएको छ । आगामी अगस्टमा लन्च हुने बताइएको सो कार कोरियामा स्पष्टताका साथ देखिएको हो । यसबाट सो गाडीको स्टाइलिङ र डिजाइन प्रस्ट भएको छ ।

यो गाडीको टिजर केही दिन पहिले सार्वजनिक भएको थियो । हुन्डाई एक्सटर ब्रान्डको ‘सेन्सस स्पोर्टीनेस’ डिजाइन ल्याङ्गवेजमा आधारित रहेको छ । 

हुन्डाई एक्सटरको फ्रन्टमा स्प्लिट हेडलाइट सेटअप र एलईडी डीआरएल दिइनेछ । यसको डीआरएल एच प्याटर्नमा राखिनेछ । बोनेटमा क्यारेक्टर लाइन र साइड पार्टमा १५ इन्चको ड्युअल टोन अलोय ह्विल दिइनेछ ।

एक्सटरको इन्टेरियरमा इलेक्ट्रिक सनरुफ, कनेक्टेड कार टेक्नोलोजी, वायरलेस चार्जर, वायरलेस एन्ड्रोइड अटो र एप्पल कारप्ले सपोर्ट, डिजिटल इन्स्ट्रयुमेन्ट क्लस्टर दिइनेछ ।

इन्जिनको लागि यसमा आई१० मा भएको १.२ लिटर नेचुरली एस्पिरेटेड पेट्रोल इन्जिन जडान गरिनेछ । दोस्रो विकल्पमा १.० लिटर टर्बो पेट्रोल इन्जिन दिने सम्भावना छ ।