हुन्डाई क्रेटा र किया सेल्टोसको प्रतिस्पर्धी थपियो, ग्लोबल डेब्यु भयो सिट्रोन सी३ एयरक्रस

सिट्रोनको एसयूभी सी३ एयरक्रस भारतमा ग्लोबल डेब्यु गरिएको छ । ५ र ७ सिटर अप्सनमा उपलब्ध हुने सो एसयूभीले हुन्डाई क्रेटा, किया सेल्टोस र मारुती सुजुकी ग्रान्ड भिटारा जस्ता प्रख्यात मिड साइज एसयूभीसँग प्रतिस्पर्धा गर्ने अपेक्षा गरिएको छ । सो एसयूभी सिट्रोनको भारतमा उपलब्ध हुने चौथो एसयूभी हो । यो भन्दा पहिले सिट्रोनले सी५ एयरक्रस, सी३ र इलेक्ट्रिक ईसी३ उपलब्ध गराइसकेको छ ।

सो एसयूभी सीएमपी मोडुलर प्लेटफर्ममा आधारित छ, जसको प्रयोग सी३ ह्याचब्याकका साथै ग्लोबल स्पेक जिप र फिएट कारमा समेत गरिएको छ । सो आर्किटेक्चरले सो एसयूभीको मूल्य कम राख्नमा सहयोग गर्नेछ ।

ग्लोबल डेब्यु गरिएको सी३ एयरक्रसको धेरै स्टाइल र फिचर सिट्रोन सी३ र सी५ एयरक्रससँग मिल्दोजुल्दो छ । २०२३ सिट्रोन सी३ एयरक्रस भारतमै डिजाइन र विकास गरिएको हो भने ९० प्रतिशत सम्म यसलाई स्थानीयकरण गरिएको छ । यो ४.३ मिटर लामो छ भने २०० एमएम ग्राउन्ड क्लियरेन्स छ ।

सिट्रोनका अन्य गाडी जस्तै फ्रन्टमा यसको लोगो ग्रिलसँग इन्टिग्रेट गरिएको छ, जुन क्रोम र पियानो ब्ल्याक इन्सर्टसँग रिप्लेट भएर टु लेयर डिजाइनमा उपलब्ध छ । बम्पर भन्दा माथि ‘वाई’ आकारको डे टाइम रनिङ लाइट छ, जुन मेन हेडल्याम्प सिटिङसँगै छ ।

पछिल्लो भागमा ठूलो टेलगेट, प्रशस्तै क्लेडिङ सहितको टल बम्पर र स्क्वारिस टेलल्याम्प छ ।

सिट्रोन सी३ एयरक्रसमा १.२ लिटर टर्बो पेट्रोल इन्जिन उपलब्ध हुनेछ । सो इन्जिनले ११० बीएचपीको पावर र १९० एनएमको टर्क जेनेरेट गर्छ । सो इन्जिनको साथमा म्यानुअल र अटोमेटिक गियरबक्सको विकल्प उपलब्ध हुने सम्भावना छ ।

यसको बुट स्पेसलाई बढाएर ५११ लिटर सम्म गर्न सकिने छ । सो एसयूभीमा १० इन्चको टचस्क्रिन इन्फोटेनमेन्ट सिस्टम हुनेछ, जसमा एन्ड्रोइड अटो र एप्पल कारप्ले, फुल्ली डिजिटल ड्राइभर डिस्प्ले, डे नाइट आईआरभीएम, रुफ माउन्टेड रियर एसी भेन्ट सहितको म्यानुअल एसी र क्रुज कन्ट्रोल उपलब्ध छ ।

सुरक्षाका लागि यसमा ६ वटा सम्म एयरब्याग, इलेक्ट्रोनिक स्टेबिलिटी कन्ट्रोल (ईएससी), टायर प्रेसर मोनिटरिङ सिस्टम (टीपीएमएस), रियरभ्यु क्यामेरा, ईबीडीका साथ एबीएस र रियर पार्किङ सेन्सर जस्ता फिचर उपलब्ध छन् ।

भारतीय बजारमा यो वर्ष दोस्रो अर्धवार्षिक अवधिमा सो एसयूभी लन्च हुने बताइएको छ । नेपालमा पनि सांग्रिला मोटर्सले सिट्रोनका सवारी साधन बिक्री–वितरण गरिरहेको छ । यस अनुसार लन्च भए पश्चात भविष्यमा नेपाली बजारमा समेत सो एसयूभी उपलब्ध हुने अनुमान गर्न सकिन्छ । यसको मूल्य पनि त्यही बेला सार्वजनिक हुनेछ ।