‘इन्डिया फर्स्ट’ रणनीतिका कारण सिट्रोनको बिक्री ३ गुणा बृद्धि

सिट्रोनले भारतमा कार बिक्रीलाई तिब्र दरमा बृद्धि गर्न सफल भएको छ । कम्पनीले २०२५ को चौथो त्रैमासिकमा निकै राम्रो बृद्धिदर हाँसिल गरेको हो । चौथो त्रैमासिकको बिक्री तेस्रो त्रैमासिकको तथ्याङ्कको तुलनामा ३ गुणा बढी भएको जनाइएको छ ।

सिट्रोनले यो वृद्धिको श्रेय नयाँ भारत–केन्द्रित उत्पादनहरू, विस्तारित ग्राहक इकोसिस्टम, बलियो उत्पादन क्षमताहरू र बढ्दो निर्यातलाई दिन सकिने बताएको छ ।

स्टेलान्टिस इन्डियाका सीईओ एबं प्रबन्ध निर्देशक शैलेश हाजेलाका अनुसार सिट्रोन २.० रणनीतिले भारतमा स्थिर वृद्धिको नेतृत्व गरिरहेको छ । स्थानीयकरणमा तीव्र ध्यान केन्द्रित गरेर भारत फर्स्र्ट उत्पादन बढाउनुको साथै ग्राहक पहुँच विस्तार गरिएका कारण आफ्नो उपस्थिती बलियो बन्दै गएको उनले बताए ।

‘हामीले बलियो र दिगो विकास मार्ग सिर्जना गरेका छौं । यसको प्रभाव देखिने छ र २०२५ मा स्टेलान्टिस इन्डियाको १८.८ प्रतिशत निर्यात वृद्धिमा महत्त्वपूर्ण योगदान पु¥याएको छ । २०२६ मा हाम्रो विश्वव्यापी निर्यात पोर्टफोलियोमा सामेल हुने बासाल्टसँगै भारत द्रुत रूपमा उत्पादन विकास, निर्माण र प्रविधिको लागि सिट्रोनको दीर्घकालीन रणनीतिको मुख्य स्तम्भ बन्दै गएको छ’ हाजेलाले भने ।

२०२५ मा सिट्रोनले धेरै नयाँ र फ्रेस मोडेलहरू बजारमा ल्याएको छ, जसमा सी३ डार्क एडिसन, एयरक्रस, सी३एक्स, बासाल्ट र एयरक्रस एक्स समावेश छन् ।