भारतमा उत्पादन भएको सिट्रोनको पहिलो कार सी३ नेपाल भित्रिदै, कति पर्ला मूल्य

काठमाडौं – भारतमा उत्पादन भएको सिट्रोनको पहिलो कार सी३ नेपाली बजारमा आउने भएको छ । नेपालका लागि आधिकारिक वितरक सांग्रिला मोटर्सले सो कार आगामी मे ३ अर्थात बैशाख २० गते लन्च गर्ने भएको छ । कम्पनीको सामाजिक सञ्जालमा यस सम्बन्धी जानकारी प्रवाह भइरहेको छ ।

सिट्रोन सी३ लाइभ र फिल गरी कुल २ भेरिएन्टमा उपलब्ध रहँदै आएको छ । जसमध्ये लाइभ भेरिएन्टमा १.२ लिटरको नेचुरल्लि एस्पिरिटेड इन्जिन जडान गरिएको छ भने यसले ८२ एचपी पावर र ११५ एनएम टर्क जेनेरेट गर्दछ । अर्को भेरिएन्ट फिलमा १.२ लिटर टर्बोचाज्र्ड पेट्रोल इन्जिन दिइएको छ जसले ११० एचपी पावर र १९० एनएम टर्क जेनेरेट गर्छ । यो कारमा कम्पनीले पाँच स्पिडको म्यानुअल ट्रान्समिसन सिस्टम दिएको छ ।

यो कारको ह्विलवेस २ हजार ५४० एमएम रहेको छ भने ग्राउन्ड क्लियरेन्स १८० एमएम छ । कारमा पछाडि बस्ने पेसेन्जरका लागि समेत यथेस्ट लेगरुम रहेको छ । यसको क्याबिनमा १० इन्चको इम्फोटेन्मेट सिस्टम रहेको छ । वायरलेस स्मार्ट फोन चार्जर समेत रहेको यो कारमा ३ वटा फास्ट चार्जिङ यूएसबी पोर्ट तथा एउटा १२ भोल्टको सकेट समेत दिइएको छ । कारमा थ्री स्पोक स्टेरिङ ह्वील, डिजिटल इन्स्ट्रयुमेन्ट क्लस्टर तथा म्यानुअल एयरकन्डीसन रहेको छ ।

सुरक्षाको हिसाबले हाई-राइडिङ ह्याचब्याकमा डुअल एयरब्याग, रियर पार्किङ सेन्सर र सिटबेल्ट रिमाइन्डरहरू छन्। यसले ट्याकोमिटर, रियर विन्डस्क्रिन वाइपर र डिफोगर, पावर्ड विङ मिरर एडजस्टमेन्ट, डेरनाइट आईआरभीएम, ट्याकोमिटर र डोरका लागि केन्द्रीय लकरअनलक बटन जस्ता सुविधाहरू पनि छ।

भारतीय बजारमा ५ लाख ८८ हजारदेखि ८ लाख १५ हजार भारुसम्म मूल्य निर्धारण गरिएको यो कारले टाटा पन्च, रेनो काइगर र निसान म्याग्नाइट लागयत साना एसयूभीसंग प्रतिस्पर्धा गरिरहेको छ ।

भारतमा ३२ लाख २४ हजार भारु मूल्य तोकिएको सी५ एयरक्रसको मूल्य नेपालमा १ करोड ३५ लाख रुपैयाँ छ । तर यो अनुपातमा सी३ को मूल्य भने निकै कम हुने अपेक्षा गरिएको छ ।