मोटरहेडको स्टक क्ल्यिरेन्स अफर : बाइक किन्दा ४० हजार सम्म छुट

काठमाडौं – नेपालका लागि मोटरहेड बाइकको आधिकारिक वितरक एसएलआर टेक्नो एन्ड ट्रेडले स्टक क्लियरेन्स अफर ल्याएको छ । यस अनुसार मोटरहेडका २०२१ सम्मका चार मोडल स्क्र्याम्बलर २५०, टेक्कन आर२५०, टेक्कन २५० र एक्स–टर्क २५० बाइक किन्दा २५ हजार देखि ४० हजार रुपैयाँ सम्म छुट प्राप्त हुनेछ ।

हालको नाजुक आर्थिक अवस्थामा समेत ग्राहकलाई सहुलियत प्रदान गर्ने उद्देश्यका साथ यो अफर ल्याएको कम्पनीको भनाइ छ । नेपालभर रहेका मोटरहेडका शोरुममार्फत यो अफर अन्तर्गतको सुविधा प्राप्त गर्न सकिने छ ।

हाल नेपाली बजारमा यी बाइकको मूल्य क्रमशः ४ लाख ९५ हजार, ४ लाख ७५ हजार, ३ लाख ९५ हजार र ३ लाख ९० हजार रुपैयाँ छ ।

कम्पनीको काठमाडौं उपत्यकामा टेकु, धोविघाट र सल्लाघारी भक्तपुरमा शोरुम रहेको छ भने उपत्यका बाहिर विर्तामोड, इटहरी, हेटौंडा, मन्थली, कावासोती ,बुटवल, पोखरा, बाग्लुङ र जुम्लामा डिलर रहेको छ ।