हिरोले वन्द गर्यो एक्सपल्स २०० २भीको उत्पादन

भारतको सवैभन्दा ठूलो टु ह्विलर उत्पादक हिरोले एक्सपल्स २०० २भीको उत्पादन वन्द गरेको छ । यसको नयाँ भर्सन ४भी बजारमा आएसंगै यो पुरानो मोडललाई वन्द गर्ने कम्पनीले निर्णय लिएको हो ।

यो पुरानो मोडलमा हिरोले १९९ सिसीको सिंगल सिलिन्ड इन्जिन दिएको थियो । जसको पावर १७.८ विएचपी र टर्क १६.४५ एनएम रहेको छ । जवकी नयाँ मोडल ४ भीको पावर १८.८ विएचपी र टर्क १७.३५ एनएम रहेको छ ।

भारतीय बजारका लागी इन्ट्रि लेवल एड्भेन्चर वाइकका रुपमा लिइँदै आएको यो मोटरसाइकल सेग्मेन्टमै सर्बाधिक विक्री हुने मोडल समेत हो । नेपाली बजारमा यसको पुरानो र नयाँ दुईवटै भर्सन उपलब्ध रहँदै आएको छ ।

हिरोले केटिएम ३९० र रोयल इन्फिल्ड हिमालयनलाई टक्कर दिनेगरी निकट भविष्यमै एक्सपल्स ४०० समेत लन्च गर्ने तयारी अघि बढाएको छ । होन्डासंगको साझेदारी टुगिंएपछि भारतमा यो व्रान्ड झनै आक्रमक भएर आइरहेको छ । उसले निकट भविष्यमै हार्ले डेभिड्सनसंगको सहकार्यमा अर्को नयाँ मोडल लन्च गर्ने योजना समेत अघि सारेको छ ।