भन्सार नाकामा थन्किएका ८५० कार नेपाल आउने, भदौ १४ पछि पनि प्रतिवन्ध हट्नेमा आशंका

वैशाख १३ अघि एलसी खोलिएका ८५० वटा कार, जीप र भ्यान नेपाल आउने भएका छन् । सरकारले वैशाख १३ गते राजपत्रमा सुचना प्रकाशन गरी विभिन्न १० प्रकारका सामानको आयतमा पूर्ण प्रतिवन्ध लगाएको थियो । उक्त सुचनामा प्रतिवन्ध लागु हुनुअघि एलसी खोलिएका मोटरसाइकल र मोवाइलको आयत सुचारु हुने उल्लेख भएपनि गाडीवारे कुनै उल्लेख नभएका कारण ती गाडी भन्सारमा रोकिएका थिए ।

सो समयअघि एलसी खोलेर भन्सार नाकासम्म आइपुगेका सवरीसाधनको जाँचपाँसमा कानुनी अड्चन देखिएपछि सरकारले पुन राजपत्रमा सुचना प्रकाशन गरी उक्त सयमअघि एलसी खोलीएका सवारीसाधनलाई नेपाल आउने बाटो खुल्ला गर्न लागेको हो । यससंगै भन्सारमा रोकिएका विभिन्न ब्रान्डका ती गाडी नेपाल आउने र यसले नजिकिँदै गरेको फेस्टिवल सिजनमा केही हदसम्म भएपनि राहत दिने व्यवसायीले महशुस गरेका छन् ।

विदेखी मुद्राको संचितीमा दवाव परेको भन्दै सरकारले पहिलोपटक वैशाख १३ देखी असार मसान्तसम्मका लागी कम्वस्चन इन्जिन जडित सवै प्रकारका प्यासेन्जर कार र २५० सिसी माथीका मोटरसाइकलको आयतमा प्रतिवन्ध लागएको थियो । उक्त प्रतिवन्धलाई कडाई गर्दै साउन १ देखी भदौ १४ सम्मका लागी पुन कार र १५० सिसी माथीका मोटरसाइकलको आयतमा प्रतिवन्ध लगाउँदै आइरहेको छ ।

आयतमाथीको प्रतिवन्ध लम्विदै गएपछि अटोमोवाइल व्यवसायीहरुको छाता संगठन नाडा अटोमोवाइल एसोसिएसन अफ नेपालले घोषित अटो शो नै वन्द गर्नु परेको थियो । भलै उसले असोज ६ देखी ९ गतेसम्म इभी एक्सपो भने आयोजना गर्ने निर्णय गरेको छ ।

आयतमाथीको प्रतिवन्धले निरन्तरता पाउँदै गएपछि फेस्टिवल सिजन प्रभावित हुने भन्दै व्यवसायीले चिन्ता व्यक्त गर्दै आइरहेका छन् । दोस्रो चरणको प्रतिवन्ध भदौ १४ सम्मका लागी लागु गर्ने उल्लेख भएपनि सो समयपछि पनि प्रतिबन्ध लम्विनसक्ने व्यवसायीले संसय व्यक्त गरेका छन् । नाडाका अध्यक्ष ध्रुव थापाले गत साउन १ देखी आयत सुचारु हुने सरकारी प्रतिवद्धताको विपरित पुन प्रतिवन्ध लम्विएपछि भदौ १४ पछि पनि आयत खुल्ने विषयमा ढुक्क हुन नसकिने अबस्था सिर्जना भएको बताए ।

‘सवारीसाधनको मुख्य सिजननै प्रभावित बन्ने गरी प्रतिवन्ध लम्विदा यसले समग्र अटोमोवाइल व्यवसाय नै संकटमा परेको छ । अटोमोवाइल क्षेत्र अहिले इतिहाँसकै सवैभन्दा कठिन अबस्थाबाट गुज्रिरहेको छ । भलै विदेशी मुद्राको संचितीमा सुधार देखिन थालेका कारण छिट्टै प्रतिवन्ध हट्नेमा हामी आशाबादी छौ’ उनले नेपाल अटोसंग भने ।