आयो एमटी–१५ को अपडेटेड भर्सन

यामाहाले भारतीय बजारमा एमटी १५ को अपडेटेड भर्सन लन्च गरेको छ, जसमा नयाँ फिचर समावेश गरिएको छ । सो बाइक १ लाख ५९ हजार ९ सय भारुमा लन्च गरिएको हो ।

नयाँ यामाहा एमटी–१५ मा एलईडी पोजिसन लाइटहरू सहितको बाई–फंक्शनल एलईडी हेडलाइट, हाई रेज्ड एलईडी टेललाइट, २८२ एमएम फ्रन्ट र २२० एमएम रियर डिक्स ब्रेक, सिंगल च्यानल एबीएस, १४० एमएम सुपर वाइड रियर रेडियल टायर र साइड स्ट्यान्ड इन्जिन कट–अफ स्विच जस्ता फिचर समावेश छन् । सो बाइकको रङ सियान स्टर्म, रेसिङ ब्लू, आइस फ्लु– वर्मिलियन र मेटालिक ब्ल्याक विकल्पमा उपलब्ध छ ।

नयाँ यामाहा एमटी १५ मा लिक्विडकुल्ड, ४ स्ट्रोक, एसओएचसी, ४–भल्भ र भेरिएबल भल्भ एक्चुएसन सिस्टम सहितको १५५ सीसी फ्युल इन्जेक्टेड इन्जिन जडान गरिएको छ । बाइकलाई उत्कृष्ट शिफ्टिङ ६ स्पिड गियरबक्ससँग जोडिएको छ । नयाँ एमटी–१५ ले १०,००० आरपीएममा १८.४ पीएस पावर र ७,५०० आरपीएममा १४.१ एनएम टर्क जेनेरेट गर्छ ।

यसमा पुनः डिजाइन गरिएको र पूर्ण रूपमा डिजिटल एलसीडी क्लस्टर छ जसले एनिमेटेड टेक्स्ट डिस्प्ले गर्छ । यसको साथै गियर सिफ्ट, गियर पोजिसन र भिभीए इन्डिकेटर पनि देखाइन्छ । ब्लुटुथमा जडान हुने वाई–कनेक्ट एपको माध्यमले एलसीडी क्लस्टरमा कल, इमेल र एसएमएस अलर्टसँगै स्मार्टफोनको ब्याट्री स्थिति पनि देखिन्छ । यो एपले स्मार्टफोनमा मर्मत सिफारिस, पार्किङ स्थान, इन्धन खपत, रेभ ड्यासबोर्ड र ¥याकिंग पनि देखाउँछ ।