टिभिएसको सबैभन्दा सस्तो बाइक रेडियन, यस्तो छ मूल्य र फिचर्स

पावरफुल र स्टाइलिस मोटरसाइकल तथा स्कुटर खरिद गर्न चाहने राइडरको रोजाइमा पर्न सफल ब्रान्ड हो टिभिएस । यो ब्रान्डको मोटरसाइकल तथा स्कुटर स्पोर्टी लुक्स र पवारफुल इन्जिन चाहने युवा राइडरमाझ लोकप्रिय बनिरहेको छ । नेपाली बजारमा यसको ११० देखी ३१० सिसी क्षमतासम्मका मोटरसाइकल उपलब्ध छन् । यी मध्ये सबैभन्दा सानो सिसी र कम मूल्य निर्धारण गरिएको बाइक हो रेडियन ।

कम्युटर सेग्मेन्टको इन्ट्रि लेभल यो बाइकमा १०९.७ सिसी क्षमताको फोर स्ट्रोक, सिंगल सिलिन्ड र एयर कुल्ड सहितको ड्युरालाइफ इन्जिन जडान गरिएको छ । जसको अधिकतम पावर ८.३ बिएचपी र टर्क ८.७ एनएम रहेको छ । ४ स्पिड गियर दिइएको यसले प्रतिलिटर इन्धनको खपतमा ६० किलोमिटर भन्दा बढी माइलेज प्रदान गर्ने दाबी गरिएको छ ।

यो मोटरसाइकलमा एलइडी डिआरएलएस, टफ फ्युल ट्यांक प्याड, आरामदायी सिट र युएसबी चार्जिङ लगायत फिचर्स दिइएको छ । कम्बाइन्ड ब्रेकिङ सिस्टम दिइएको यसको दुबै चक्कामा भने ड्रम ब्रेक मात्र जडान गरिएको छ । ११६ किलो वजन भएको यो बाइकको ग्राउन्ड क्लिरियन्स १८० एमएम र ह्विलबेश १२६५ एमएम रहेको छ । १० लिटर क्षमताको फ्युल ट्यांक जडान गरिएको रेडियनको अगाडी टेलिस्कोपिक शक एब्जर्वर र पछाडी ५ स्टेप एड्जस्टेवल हाइड्रोलिक शक एब्जर्बर दिइएको छ ।

प्रौढ उमेर समुहका ग्राहकलाई लक्षित गरी निर्माण गरिएको यो बाइकको प्रतिस्पर्धा हिरो स्प्लेन्डर प्रो र आइ स्मार्ट तथा बजाज प्लाटिनासंग हुने देखिन्छ । यो बाइकको मूल्य नेपाली बजारमा १ लाख ९० हजार ९ सय रुपैयाँ निर्धारण गरिएको छ ।