अपाचे सिरिजका मोटरसाइकल र एनटर्क स्कुटर लगायत टीभीएसका धेरै मोडलको बढ्यो मूल्य

काठमाडौं – नेपाली बजारमा उपलब्ध टीभीएस मोटरसाइकल तथा स्कुटरको मूल्य बढेको छ । टीभीएसको नेपालका लागि आधिकारिक वितरक जगदम्बा मोटर्सले हिजो देखि लागू हुने गरी मूल्य वृद्धि गरेको हो ।

नयाँ मूल्य सूची अनुसार सबैभन्दा बढी मूल्य टीभीएस अपाचे आरटीआर १६० फोरभी आरडी रिफ्रेस र टीभीएस एक्सएल १०० को मूल्य १० हजार रुपैयाँले बढेको छ । यी मोडलको मूल्य क्रमशः ३ लाख १८ हजार ९ सय र १ लाख ३८ हजार ९ सय रुपैयाँ पुगेको छ ।

त्यसैगरी अपाचे आरटीआर २०० फोरभी एफआई बीएस६ को मूल्य ६ हजार रुपैयाँले बढेर ३ लाख ९६ हजार ९ सय रुपैयाँ पुगेको छ । अपाचे आरटीआर २०० फोरभी एबीएसको मूल्य ५ हजार रुपैयाँले बढेर ३ लाख ६७ हजार ९ सय रुपैयाँ पुगेको छ ।

अन्य केही मोडलहरुमा १ हजार देखि ४ हजार रुपैयाँ सम्मको दरमा मूल्य वृद्धि गरिएको छ । त्यसैगरी हालै नेपाली बजारमा भित्रिएको रेडर र अन्य केही मोडलमा पनि उही मूल्य कायम छ । नेपाली बजारमा सबैभन्दा महंगो मोडल अपाचे आरआर ३१० को मूल्य बढेको छैन । यसको मूल्य ७ लाख ९९ हजार ९ सय रुपैयाँ नै कायम छ ।

नेपाली बजारमा उपलब्ध टीभीएसका मोटरसाइकल तथा स्कुटर र नयाँ मूल्य सूची यस प्रकार छ :