आरपी सिरिजमा आयो टीभीएसको मोटरसाइकल : थप पावरफुल, २ सय युनिट मात्र बिक्री गरिने

नयाँ आरपी मोनिकरको टिजर सार्वजनिक गरेको दुई दिनमै टीभीएसले नयाँ मोटरसाइकल अपाचे आरटीआर १६५ आरपी लन्च गरेको छ । रेस पर्फमेन्स अर्थात आरपी सिरिजको पहिलो मोटरसाइकलको रुपमा सार्वजनिक गरिएको सो मोटरसाइकल टीभीएस रेसिङ टिमको चार दशक लामो रेसिङ हेरिटेजवाट प्रभावित छ ।

हाल २ सय युनिट मात्र बिक्रीका लागि उपलब्ध गराइएको सो मोटरसाइकल यो क्याटागोरीको सबैभन्दा पावरफुल मोटरसाइकल हुनेछ । यसमा प्रयोग गरिएको एड्भान्स्ड १६४.९ सीसी सिंगल सिलिन्डर, फोर भन्व इन्जिनले १० हजार आरपीएममा १९.२ पीएस पावर र ८ हजार ७५० आरपीएममा १४.२ एनएम टर्क जेनेरेट गर्छ ।

यसरी पावर बढाउनका लागि कम्पनीले नयाँ सिलिन्डर हेडको प्रयोग गरेको छ, जसले इनटेकमा ३५ प्रतिशत वृद्धि गरेको छ र यसलाई ट्विन इलेक्ट्रोड स्पार्क प्लगसँग फिट गरिएको छ । त्यसैगरी हाई–लिफ्ट र हाई–ड्युरेसन क्याम्स र ड्युअल–स्प्रिङ एक्चुएटरका कारण यसको भल्व कन्ट्रोल १५ प्रतिशत ठूलो भल्व कन्ट्रोल भएको इन्जिन छ । यसमा १.३७ को एरियावाइज बोर स्ट्रोक रेसियो छ भने उच्च कम्प्रेसन रेसियोका लागि नयाँ डोम पिस्टन छ । यसमा स्ट्यान्डर्ड मोडल जस्तै ५–स्पिड गियरबक्स नै प्रयोग गरिएको छ ।

यो मोटरसाइकलमा रेस–ट्युन्ड स्लिपर क्लच, एड्जस्टेबल क्लच र ब्रेक लिभर, अल न्यु टीभीएस रेसिङ डिकल्स, रेड अलोय ह्विल र नयाँ सिट प्याटर्न छ । त्यसैगरी यसमा सिग्नेचर फ्रन्ट पोजिसन ल्याम्पसहितको नयाँ हेडल्याम्प एसेम्बली र बेटर ब्रेकिङ पर्फमेन्सका लागि फर्स्ट इन सेगमेन्ट २४० एमएम रियर डिस्क ब्रेक छ ।

भारतमा यो अनलाइन माध्यमबाट बिक्री गरिने र यसको मूल्य १ लाख ४५ हजार भारु तोकिएको छ । तत्काल यो मोटरसाइकल नेपालमा आउने सम्भावना भने छैन ।

लोकप्रिय

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

बाइक रोक्दा पहिले क्लच थिच्ने कि ब्रेक ? ९० प्रतिशतलाई छैन यसको जानकारी

दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

बाइक वा कारको कर कहिले तिर्ने र जरिवाना कति ? ब्लुबुकमा हेर्नुस् यसरी

हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

बजेट प्रभाव : हुन्डाईले घटायो एउटै इलेक्ट्रिक गाडीमा २३ लाख मूल्य

काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...