भल्भोले ल्यायो कार चोरीबाट जोगाउन नयाँ भेइकल ट्रयाकिङ डिभाइस

भल्भो कार चोरी र अपराध विरुद्ध लड्न नयाँ सर्भिसमा काम गरिरहेको छ । कम्पनीले आफ्ना ग्राहकहरूलाई नयाँ गाडी ट्रयाकिङ एसेसरी प्रदान गर्नका लागि भोडाफोन अटोमोटिभसँग साझेदारी गरेको छ । भोडाफोन अटोमोटिभ भीटीएस एस५ नाम दिइएको यो डिभाइस सबै भल्भो मोडलका लागि उपलब्ध हुनेछ । उक्त ट्रयाकिङ डिभाइसको मूल्य ५९५ पाउण्ड रहेको छ ।

यसमा फिटिङ, भ्याट र चोरी भएको सवारी साधन रिकभरी सेवाको तीन वर्षको सदस्यता पनि समावेश छ । यो नयाँ सर्भिसले भारतलगायत विभिन्न ४४ युरोपेली देशहरूमा स्थानीय प्रहरीको सहयोगमा काम गर्छ । सो डिभाइसले फंक्सन अपरेट गर्नको लागि इन्टरनेट अफ थिग्स टेक्नोलोजीको प्रयोग गर्छ ।

सो डिभाइसको ट्रयाकिङ फंक्शन ७ दिन २४ सै घन्टा कार्य गर्छ । साथै कारको लोकेसन १० मिटरमा कारको ट्रयाक गर्न सकिन्छ । कारमा सम्बन्धित एपको प्रयोग गरेर चालकले वास्तविक समयमा आफ्नो कारको स्थान निगरानी गर्न सकिन्छ । सो डिभाइसले कारको पुरानो डाटा जाँच गर्न पनि सकिन्छ । चालकले कारमा हिड्दा वा ड्राइभ गर्दा पनि डाइरेक्सन देख्न सकिन्छ ।

ट्रयाकिङ सिस्टमले अटोमेटिक रुपले प्रयोगकर्ताले प्राप्त गरेको सानो कार्डलाई पहिचान गर्छ र कार चोरी भएको वा कार्ड नभएको खण्डमा तुरुन्तै भोडाफोन अटोमोटिभलाई सचेत गराउँछ । यद्यपि कारमा नक्कली अलर्ट रोक्नका लागि केही विशेष मोड समावेश गरेको छ । यदि कार ग्यारेजमा सारिएको छ भने पनि सो डिभाइसलाई सक्रिय गर्न सकिन्छ ।

कारको ब्याट्री चोरीको सम्भावना, कारलाई टाढा लिएर गएमा वा चोरीको प्रयासमा पनि डिभाइस सक्रिय हुन्छ । यदि कार चोरी भएको छ भने भोडाफोन अटोमोटिभ अपरेटरले कारको स्थानको मिनेट÷मिनेटको लग प्रदान गरी स्थानीय प्रहरीसँग सम्पर्क गर्छ ।