यामाहा महा एक्सचेन्ज मेला : ५ सय बढी बाइक स्कुटर एक्सचेन्ज, आकर्षण एमटी १५ बीएस६

काठमाडौं – भृकुटीमन्डपमा जारी यामाहा महा एक्सचेन्ज मेला आज पाँचौ दिनमा प्रवेश गरेको छ । असोज ८ देखि अयोजना भैरहेको मेला १५ गतेसम्म चल्नेछ । हालसम्म ५ सय बढी बाइक तथा स्कुटर एक्सचेन्ज भएको मेला अयोजक तथा आधिकारिक बितरक एमएडब्लु इन्टरप्राइजेजले बताएको छ ।

मेलामा यामाहाका बिभिन्न मोडलका मोटरसाइकल तथा स्कुटर प्रदर्शनीमा राखिएको छ भने ग्राहकले सोही स्थलबाट आफूलाई चाहिएको बाइक खरिद तथा सट्टापट्टा गर्न सक्नेछन् । यामाहाको एफजी सिरिजका मोटरसाइकल र स्कुटरलाई दर्शकले रुचिपूर्वक अबलोकन गरेको कम्पनी स्रोतको भनाइ छ ।

मेलाको प्रमुख आकर्षणका रुपमा एमटी १५ बिएस६ लाई लिइएको छ । हिजो मेलास्थलबाटै सार्वजनिक गरिएको यो बाइकका बारेमा मेला शुरु हुनुअघिबाटै अत्यधिक चासो व्यक्त हुँदै आइरहेको थियो । मेलाको पहिलो दिन बुकिङ खल्ला गरिएको यो बाइक २ दिनभित्रै १८० युनिट बिक्री भैसकेको समेत जनाइएको छ । नेपाल भित्रिएको पहिलो लट पुरै बिक्री भैसकेका कारण नयाँ बाइक लिन राइडरले अब केही समय प्रतीक्षा गर्नुपर्नेछ ।

पहिलेको एमटी १५ को तुलनामा केही फिचर्स अपग्रेड भई आएको यो बाइकमा एबीएस, एफआई इन्जिन, डिजिटल इन्स्ट्रयुमेन्ट कन्सोल र एलईडी हेडलाइट जस्ता फिचर्स थप गरिएको छ । ३ भिन्न कलर अप्सनमा उपलब्ध यो बाइकको मूल्य ४ लाख ४९ हजार ९ सय, ४ लाख ५४ हजार ९ सय र ४ लाख ५९ हजार ९ सय रुपैयाँ निर्धारण गरिएको छ ।