बजाज मोटरसाइकल किन्दा ३ पटक नगद उपहार पाइने अवसर, आयो यस्तो अफर

काठमाडौं – आउँदो बडा दसैं र तिहारको उपलक्ष्यमा बजाजको नेपालका लागि आधिकारिक वितरक हंसराज हुलासचन्द एन्ड कम्पनीले ‘बजाज खुसीको ३ डोज’ नामक अफर ल्याएको छ ।

यस अन्तर्गत मोटरसाइकल किन्नु भन्दा पहिले नै यो स्किमका लागि रजिस्टर गरेर १० हजार रुपैयाँ सम्म छुट पाउन सकिने छ । यो रकम मोटरसाइकल खरिद गरे पछि भुक्तानी हुनेछ ।

दोस्रो डोज अन्तर्गत मोटरसाइकल किन्दा १ लाख रुपैयाँ सम्म छुट पाइने छ । अनि तेस्रो डोज अन्तर्गत मोटरसाइकल किने पछि प्रत्येक महिना एक जना ग्राहकले गोला प्रथामार्फत १० लाख रुपैयाँको बम्पर पुरस्कार पाउने छन् । यसको नतिजा फेसबुक लाइभमार्फत दिइने छ ।

बजाजको देशभर रहेका कुनै पनि शोरुममा गएर यो स्किम अन्तर्गतको सुविधा लिन सकिन्छ ।

नेपालमा बजाजका १ लाख ८९ हजार ९ सय देखि ५ लाख ९८ हजार ९ सय रुपैयाँ सम्मका मोटरसाइकल उपलब्ध छन् । बजाजका सबै मोटरसाइकलको मूल्य सूची यहाँ हेर्न सकिन्छ ।