एनएमबि बैंकले ल्यायो विद्युतीय गाडी र अन्यका लागि अटो लोन, ५ वर्ष सम्म एउटै ब्याजदर

काठमाडौं – एनएमबि बैंक लिमिटेडले ८.४९ प्रतिशत प्रतिवर्ष ब्याजदरमा अटो लोन प्रवाह गर्ने बताएको छ । उक्त लोन बैंकले २४ घण्टाभित्रै उपलब्ध गराउने र ५ वर्ष सम्म एउटै ब्याजदर रहने छ ।

निरन्तर ब्याज बढने चिन्ताबाट मुक्त हुने गरी ५ बर्ष सम्म एउटै ब्याजदर रहने सरल तथा सहज योजना अघि सारिएको बैंकले जनाएको छ ।

बैंकले विद्युतीय गाडीको हकमा भने बेस रेट अर्थात ७.७३ प्रतिशतमै कर्जा प्रदान गर्दै आइरहेको छ । यसरी ग्राहकवर्गको आफ्नै गाडी चढने सपना पुरा गर्न समान ब्याजदरले झन सघाउ पु-याउने विश्वास लिइएको बैंकको भनाइ छ ।

बैंकले आफ्नो सेवा अभिवृद्धि गर्ने क्रममा यस्ता सुविधाहरु ग्राहकमाझ प्रस्तुत गर्दै आइरहेको छ । थप जानकारीको लागि call@nmb.com.np मा ईमेल वा ०१–५९७०१५० मा फोन गर्न सकिने छ ।

एनएमबि बैंकले हाल देशभरी १८१ शाखा, १३७ एटीएमहरू र ९ एक्सटेन्सन काउन्टरहरू मार्फत उच्चस्तरीय सेवा प्रदान गर्दै आइरहेको छ ।