क्रेटा ईभीमा प्रयोग भएको ब्याट्रीसहित ९२ प्रतिशत कम्पोनेन्ट भारतमै उत्पादन

हुन्डाईले हालै बजारमा ल्याएको क्रेटा ईभीमा ९२ प्रतिशत भन्दा बढी कम्पोनेन्ट भारतकै उत्पादन प्रयोग गरेको जनाएको छ । साथै, सो ईभीमा प्रयोग गरिएको ब्याट्री प्याक समेत भारतमै एसेम्वल गरिएको हो ।

हुन्डाईले आफ्नो श्रीपेरुम्बदुर प्लान्टमा रहेको नयाँ सुविधामा ब्याट्री प्याकहरू एसेम्बल गर्न मोबिस इन्डियासँग सहकार्य गरेको छ । कार निर्माताले घरेलु उत्पादनलाई बढावा दिँदै ईभीको लागत कम गर्ने लक्ष्य लिएको छ ।

क्रेटा ईभीमा प्रयोग भएको १ हजार २३४ पाट्र्सलाई स्थानीयकरण गर्न १९४ भन्दा बढी विक्रेताहरूसँग काम गरिरहेको कम्पनी भनाई छ । अधिकांश स्पेयर पार्ट्स घरेलु उत्पादन भएका कारण बिक्री पछिको सेवामा समस्या नहुने र मूल्य समेत कम पर्ने दाबी गरिएको छ ।

भारतीय प्लान्टबाट लिथियम–निकेल–म्यांगनीज–कोबाल्ट अक्साइड (एनएमसी) र लिथियम–आयरन–फस्फेट (एलएफपी) सहित विभिन्न प्रकारका ब्याट्रीहरु एसेम्वल गर्दै जाने कम्पनी तयारी छ । हुन्डाईले हाल सञ्चालनमा ल्याएको प्लान्टबाट बार्षिक ७५ हजार युनिट ब्याट्री एसेम्वल गर्न सकिन्छ।