एलईडी इन्डिकेटर र नयाँ आई–क्याचिङ पर्पल कलरमा आयो यामाहा आर३

यामाहाले प्रिमियम मोटरसाइकल आर३ को २०२३ मोडल सार्वजनिक गरेको छ । अन्य कुरा यथावत भए पनि यसमा दुई कस्मेटिक परिवर्तन भने गरिएको छ ।

यो मोटरसाइकलमा स्लिक एलईडी इन्डिकेटर राखिएको छ भने नयाँ आई–क्याचिङ पर्पल कलरमा उपलब्ध छ ।

मोटरसाइकलको अन्य फिचर भने यतावत छ । यसमा लिक्विड–कुल्ड ३२१ सीसी प्यारालल ट्विन इन्जिन छ, जसले ४२ एचपी पावर र २९.५ एनएम टर्क जेनेरेट गर्छ । यसमा डायमन्ड फ्रेम तथा ३७ एमएम युएसडी फोर्क र प्रिलोड–एड्जस्टेबल मोनोसक रहेको छ ।

त्यसैगरी आर३ मा स्लिपर क्लच, ड्युअल च्यानल एबीएस, अल–एलईडी लाइटिङ र एलसीडी डिस्प्ले आदि रहेको छ ।

बजारमा यामाहाको यो मोटरसाइकलले केटीएम आरसी ३९०, बीएमडब्ल्यु जी ३१० आरआर र कावासाकी निन्जा ४०० जस्ता मोटरसाइकलसँग प्रतिस्पर्धा गर्छ ।

नेपाली बजारमा केही वर्ष पहिले सम्म आर३ मोटरसाइकल पनि उपलब्ध हुन्थ्यो । तर हाल यामाहा नेपालले यो मोडल नल्याएको केही समय भइसकेको छ । भविष्यमा नयाँ भर्सनको आर३ पनि उपलब्ध हुने वा नहुने अहिले नै भन्न सकिदैन ।