नयाँ हिरो एक्सट्रिम १६० आर लन्च हुँदै, यस्तो हुनेछ डिजाइन, फिचर र इन्जिन

हिरो मोटोकर्पले चाँडै नै भारतीय बजारमा हिरो एक्सट्रिमको अपडेट भर्सन १४ जुनमा लन्च गर्ने तयारी गरिरहेको छ । हालै सो बाइक परीक्षणको क्रममा देखिएको थियो । यसले टीभीएस अपाचे आरटीआर १५० ४भी र बजाज पल्सर एन१६० सँग प्रतिस्पर्धा गर्नेछ ।

लुक र डिजाइन
बाइकको डिजाइनमा कुनै परिवर्तन गरिएको छैन । यद्यपि यसमा नयाँ ग्राफिक्सको साथ एलईडी हेडल्याम्पको लागि नयाँ क्लस्टरमा पेश गर्नसक्ने सम्भावना रहेको छ । साथै नयाँ थपिएका फिचरलाई कन्ट्रोल गर्न स्विचगियर अपडेट गर्ने सम्भावना छ ।

इन्जिन र ट्रान्समिसन
नयाँ हिरो एक्सट्रिममा च्यासिस र सस्पेन्सन कम्पोनेन्टमा केही परिवर्तनहरु देखिनेछ । अपडेट मोडलमा ४ भल्व हुने सम्भावना रहेको छ । हाल उपलब्ध मोेडल २ भल्व सेटअपमा १५.२ पीएसको पावर र १४ एनएमको टर्क जेनेरेट गर्छ । यसमा ५ स्पिड म्यानुअल गियरबक्स प्रयोग गरिएको छ ।

फिचर
हिरो एक्सट्रिम १६०आरमा धेरै नयाँ फिचरहरू समावेश गर्ने सम्भावना छ । यसमा राइडिङ मोडको साथमा ब्लुटुथ कनेक्टिभिटीको विकल्पका साथै यूएसबी चार्जिङ पोर्ट पनि हुनेछ ।

मूल्य
हालसम्म नयाँ बाइकको मूल्य सार्वजनिक भएको छैन । तर अपडेटेड मोडलमा करिब ३ हजारदेखि ४ हजार भारु सम्मको वृद्धि हुने अपेक्षा गरिएको छ ।