२ लाख १६ हजार बुझाएर लिन सकिन्छ पल्सर २०० एनएस एबीएस एफआई

नेपाली बजारमा पछिल्लो समयमा भित्रिएको बजाजको नयाँ मोटरसाइकल हो पल्सर २०० एनएस एबीएस एफआई । एबीएस र एफआई दुवै प्रविधि भएको यो मोटरसाइकल नेपाली बजारमा उपलब्ध सबैभन्दा महंगो पल्सर समेत हो ।

पल्सर २०० एनएस एबीएस एफआईको मूल्य ३ लाख ९१ हजार ९ सय रुपैयाँ तोकिएको छ । हाल बजाजले ५० प्रतिशत डाउन पेमेन्टमा शून्य प्रतिशत ब्याजदर स्किममा मोटरसाइकल उपलब्ध गराइरहेको छ । यस अनुसार यो मोटरसाइकल किन्नका लागि शुरुमा ५० प्रतिशत मात्रै रकम बुझाए पुग्छ ।

पल्सर २०० एनएस एबीएस एफआई लिनका लागि शुरुमा ५० प्रतिशत अर्थात १ लाख ९५ हजार ९५० रुपैयाँ बुझाउनु पर्छ । बाँकी रकमलाई फाइनान्स सुविधामार्फत मासिक रुपमा तिर्न सकिन्छ । त्यसैगरी पहिलो पटक एक वर्षको लागि इन्स्योरेन्स वापत ८ हजार ७ सय रुपैयाँ, रजिस्ट्रेसन शुल्क ६५० रुपैयाँ समेत गरी २ लाख ६ हजार ३ सय रुपैयाँ शुरुमा बुझाउनु पर्छ ।

बाँकी रकम १८ महिना सम्म १० हजार ८८६ रुपैयाँको दरले बुझाउन सकिन्छ । अनि पहिलो महिनाको किस्ता पनि शुरुमा बुझाउनु पर्ने हुनाले सबै गरी २ लाख १६ हजार १८६ रुपैयाँ बुझाए पछि मोटरसाइकल आफ्नो बनाउन सकिन्छ ।

बजाजले हाल चाडपर्वको अवसरमा बजाज खुसीको ३ डोजको अफर ल्याएको छ । बजाजका कुनै पनि मोटरसाइकल किन्दा यो अफर प्राप्त गर्न सकिने छ ।

यस अन्तर्गत मोटरसाइकल किन्नु भन्दा पहिले नै यो स्किमका लागि रजिस्टर गरेर १० हजार रुपैयाँ सम्म छुट पाउन सकिने छ । यो रकम मोटरसाइकल खरिद गरे पछि भुक्तानी हुनेछ ।

दोस्रो डोज अन्तर्गत मोटरसाइकल किन्दा १ लाख रुपैयाँ सम्म छुट पाइने छ । अनि तेस्रो डोज अन्तर्गत मोटरसाइकल किने पछि प्रत्येक महिना एक जना ग्राहकले गोला प्रथामार्फत १० लाख रुपैयाँको बम्पर पुरस्कार पाउने छन् । यसको नतिजा फेसबुक लाइभमार्फत दिइने छ ।

बजाजको देशभर रहेका कुनै पनि शोरुममा गएर यो स्किम अन्तर्गतको सुविधा लिन सकिन्छ ।