जिकरले ल्यायो गोल्डेन ब्रिक ब्याट्री, १५ मिनेट चार्जमा ५०० किलोमिटर रेन्ज दिने

चिनियाँ ईभी निर्माता जिकरले नयाँ प्रबिधीको हाई पर्फमेन्स ब्याट्री लन्च गरेको छ । गोल्डेन ब्रिक नामले आएको सो लिथियम आयोन फस्फेट ब्याट्रीको बडीमा सुन जस्तै देखिने रङ पेन्ट गरिएको छ भने यसले ४ हजार भोल्टको हाई भोल्टेज रेसिस्ट गर्न सक्दछ ।

निकै नै सुरक्षित दावी गरिएको सो नयाँ ब्याट्रीलाई कम्पनीले ८ घण्टासम्म माइनस ४५ डिग्री सेन्टिग्रेडको चीसो र एक हजार डिग्री सेन्टिग्रेडमा तताएर परिक्षण गरेको थियो । यसरी परिक्षण गरेर ब्याट्रीलाई पुन कारमा जडान गर्दा समेत यसले काम गरेको थियो ।

जिकरले यसको उत्पादनलाई बृहत बनाउँदै लाने जनाएको छ । साथै डिसेम्वर २७ तारिखमा लन्च हुने ००७ सेडान कारमा पहिलोपटक सो ब्याट्रीलाई प्रयोग गरिने बताइएको छ । अल्ट्रा थिन सेपरेटरलाई स्यान्डविच स्ट्रक्चरमा राखी तयार पारिएको हुँदा यसको साइज कम्प्याक्ट देखिएको छ ।

५०० किलोवाट पिक चार्जिङ पावर भएको सो ब्याट्रीलाई १५ मिनेटमा १० देखी ८० प्रतिशतसम्म चार्ज गर्न सकिने र यसरी चार्ज गरेपछि ५०० किलोमिटर रेन्ज पाउन सकिने दावी कम्पनीले गरेको छ ।

कम्पनीले यसलाई ४८ घण्टासम्म पानीमा डुबाउनुको साथै रोलरको साहयतामा १० मिटर तर खसालेर परिक्षण समेत गरेको थियो । यसरी परिक्षण गर्दा ब्याट्री पुर्णत सुरक्षित रहेको दाबी छ ।