यामाहाले ३ वर्षभित्र सवै डिलरसिपलाई ‘व्लु स्क्वायर फर्म्याट’मा रुपान्तरण गर्ने

यामाहाले भारतमा आफ्नो सवै डिलरलाई ३ वर्षभित्र‘व्लु स्क्वायर फर्म्याट’मा रुपान्तरण गर्ने जनाएको छ । हाल देशका ७३ वट डिलर यो फर्म्याटमा रुपान्तरण भैसकेको र यसको विस्तारलाई जारी राख्दै सन् २०२५ भित्र सवैलाई यो नयाँ अवधारणमा संचालन गर्ने उसको योजना छ ।

निलो कलर थिममा निर्माण गरिने यी सोरुम प्रिमियम स्तरको हुने र यसमा यामाहाको फ्ल्यागसिप मोडललाई विशेष तवरबाट बिक्री गरिनेछ । साथै यी सोरुमबाट एसेसोरिज र अन्य नयाँ उत्पादन समेत बिक्री गरिने बताइएको छ ।

हाल संचलानमा रहेको यी सोरुमबाट उसले एरोक्स म्याक्सी स्कुटर र आर१५ भी४ को मोटोजिपी भर्सनलाई बिक्री गर्दै आइरहेको छ । निकट भविष्यमै निर्माण थालिने तयारीमा रहेका इलेक्ट्रिक टु ह्विलर र विस्तारै अन्य साना सिसीका मोटरसाइकल तथा स्कुटरलाई पनि यहि सोरुमबाट बिक्री गर्ने उसको योजना छ ।

यो अवधारणको सोरुमलाई उसले विस्तारै अन्य राष्ट्रमा संचालित डिलरसिपमा समेत अनिबार्य गर्दै लाने बताएको छ । नेपालमा संचालित सोरुमहरु पनि याहामा इण्डियाको गाइडलाइन अनुसार निर्माण गरिँदै आइएकोमा यो नयाँ अवधारण छिट्टै यहाँ पनि आउने आँकलन गर्न सकिन्छ ।

यसो भएको खण्डामा हाल संचालनमा आइरहेका सोरुमको पनि सोही अबधारणमा रुपान्तरण हुनेछन् ।