कमब्याक गर्दै यामाहा आरएक्स१०० : तर कहिले ?

कुनै समयमा लोकप्रिय रहेको बाइक आरएक्स१०० यामाहाले फेरि बजारमा ल्याउने संकेत गरेको छ । यामाहा इन्डियाको टप पोजिसनमा रहेका एइशिन चिहानाले आइकनिक आरएक्स१०० लाई फेरि भारतीय बजारमा ल्याउने तयारी गरिरहेको बताए । यद्यपि उनले सो कार्य सन् २०२६ वा त्यो भन्दा पछि मात्र हुने कुरा समेत बताएका छन् ।

यामाहा आरएक्स१०० कुनै बेला भारतका साथै नेपाली बजारमा समेत लोकप्रिय थियो । उत्पादन बन्द भएको २६ वर्ष पश्चात पनि कतिपय सेकेन्ड ह्यान्ड र थर्ड ह्यान्ड बजारमा समेत यसको माग छ ।

कम्पनीले उही आरएक्स१०० नाममै वा अरु नाममा ल्याउने भन्ने वारेमा समेत अझै केही योजना छैन । कम्पनीले सन् २०२५ सम्मका लागि अन्य मोडलहरु ल्याउने तयारी गरिरहेको र त्यसपछि मात्र यस वारेमा योजना बन्ने चिहानाले बताए ।

यामाहा आरएक्स१०० को टु–स्ट्रोक साउन्ड र पावरलाई अझै पनि बाइक लभरहरुले एक प्रकारको ड्रिमको रुपमा लिन्छन् । उनीहरुले आफ्नो बाल्यकालमा बुवा काका वा अन्य साथीसँग यो बाइक चढेको सम्झनाको रुपमा समेत लिइरहेका हुन्छन् । कतिपयले यो बाइकको साउन्ड सपनामा सुनेको समेत बताउने गरेका छन् ।

यामाहाको यो बाइकको लोकप्रियताकै कारण उत्पादन बन्द भएको २६ वर्ष पश्चात पनि पार्ट्स उपलब्ध गराउदै आएको छ ।

आशा गरौ, कुनै दिन यो बाइक फेरि नयाँ अवतारमा बजारमा उपलब्ध हुनेछ ।