सकियो प्रतीक्षा : अन्तर्राष्ट्रिय बजारका लागि सार्वजनिक भयो यामाहा आर७ मोटरसाइकल

प्रतीक्षा सकिएको छ र यामाहाको नयाँ बाइक आर७ अन्तर्राष्ट्रिय बजारमा लन्च भएको छ । २०२२ वाईजेडएफ–आर७ यामाहाको नयाँ क्रुजरवेट सुपरस्पोर्ट बाइक हो । यामाहा आर६ बन्द हुने चर्चासँगै आर७ पनि यस्तै हुने अनुमान गरिएको थियो । बरु यो अझै स्लिकर र स्ट्रिमलाइन्ड छ ।

यो बाइकमा यामाहाकै एमटी–०७ को इन्जिन प्रयोग हुने पहिले नै अनुमान गरिएको थियो । बाइकमा प्रयोग गरिएको ६८९ सीसीको इन्जिनलले ७३ एचपी पावर र ६७ एनएम टर्क जेनेरेट गर्छ । यसको तौल कम गर्न र क्षमता बढाउनका लागि फोर्ग्ड आल्मुनियम पिस्टन र डाइरेक्ट प्लेटेड सिलिन्डरको प्रयोग गरिएको छ । साउन्डको फायरिङ सिक्वेन्स बढाउनका लागि २७० डिग्री क्र्यांकको प्रयोग गरिएको छ ।

सस्पेन्सनका लागि यसमा ४१ एमएमको केवाईबी फोर्कको प्रयोग गरिएको छ, जुन फुल्ली एड्जस्टेबल छ । ब्रेकका लागि ब्रेम्बो रेडियल मास्टर सिलिन्डरको प्रयोग गरिएको छ । बाइकमा फुल एलईडी डिस्प्ले र एलईडी लाइटिङको प्रयोग गरिएको छ ।

अमेरिकामा यो बाइकको मूल्य ६ हजार ८९९ डलर तोकिएको छ र प्रारम्भिक अवस्थामा अनलाइन बुकिङको माध्यमबाट मात्र बिक्री हुने बताइएको छ ।