मासिक किस्ता १४ हजारको दरले यसरी लिन सकिन्छ यामाहा आर१५ भी३ बीएस६

युवा राइडरहरुका लागि यामाहाको बाइक आर१५ भी३ बीएस६ एक सपना हुन सक्छ । नेपाली बजारमा भएका विभिन्न बाइक मध्ये यो पनि एक लोकप्रिय बाइक हो ।

आर१५ भी३ बीएस६ को मूल्य ५ लाख १४ हजार ९ सय रुपैयाँ छ । यसमा ५० प्रतिशत डाउन पेमेन्ट गर्नका लागि २ लाख ५७ हजार ४५० रुपैयाँ हुनुपर्छ । बाँकी रकमलाई १८ महिना सम्म शून्य प्रतिशत ब्याजदरले किस्ताबन्दीमा तिर्न सकिन्छ ।

शुरुमा ५० प्रतिशत डाउन पेमेन्टका साथै नामसारी शुल्क १ हजार २ सय, एक वर्षका लागि इन्स्योरेन्स रकम ११ हजार, सर्भिस चार्ज ४ हजार र पहिलो महिनाको किस्ता अर्थात ईएमआई १४ हजार ३०३ समेत बुझाउनु पर्छ । यसले गर्दा शुरुमा जम्मा २ लाख ८७ हजार ९५३ रुपैयाँ बुझाउनु पर्छ । बाँकी १७ महिना सम्म १४ हजार ३०३ को दरले किस्ता तिरेर बाइक आफ्नो बनाउन सकिन्छ ।

आर१५ भी३ बीएस६ मा १५५ सीसी लिक्विडकुल्ड सिंगल सिलिन्डर एफआइ भीभीए इन्जिन रहेको छ । उक्त इन्जिनले १८.६ पीएस पावर र १४.१ एनएम टर्क जेनेरेट गर्छ । यसको इन्जिनमा सिक्स-स्पीड ट्रान्समिसन उपलब्ध छ । त्यसैगरी गियरमा स्टार्ट नहुने सिस्टम यसमा थप भएको छ ।स्लिपर कल्च, गियर इन्डिकेटर, ट्रिप मिटर, एलसीडी कन्सोल जस्ता फिचर यो मोटरसाइकलमा रहेको छ ।

यो बाइकमा ड्युअल च्यानल एबीएस, डेल्टाबक्स फ्रेम, भेरिएबल भल्व एक्चुएसन (भीभीए), असिस्ट एन्ड स्लिपर क्लच आदि विशेषता छन् ।