यामाहा मोटरसाइकलमा ५ हजार र स्कुटरमा ८ हजारसम्मले मूल्य वृद्धि

काठमाडौं – यामाहा बाइक तथा स्कुटरको आधिकारिक बितरक एमएडब्लु इन्टरप्राइजेजले आफ्ना अधिकांश मोडलका मोटरसाइकल तथा स्कुटरको मूल्य बढाएको छ । एकमहिना अघि नै मूल्य वृद्धि हुने जानकारी दिंदै आएको कम्पनीले यसै महिनाको १ गतेबाट लागू हुनेगरी नयाँ मूल्य सार्वजनिक गरेको हो । कम्पनीले सार्वजनिक गरेको नयाँ मूल्यसूची अनुसार मोटरसाइकलमा ५ हजार रुपैयाँसम्म र स्कुटरमा ८ हजार रुपैयाँ सम्मले मूल्य वृद्धि गरिएको छ ।

नयाँ मूल्य सूची अनुसार यामाहा आर १५ भी३, एफजेड १६ एफआई, एफजेडएस डबल डिस्क र एसजेड आरआरमा ४ हजार रुपैयाँका दरले वृद्धि गरिएको छ । त्यसैगरी एफजेड २५, एफजेडएस एफआई भी३ र सलुटोको हकमा भने ५ हजार रुपैयाँका दरले बढाइएको छ । यामाहा एमटी १५ र फेजर लगायत केही मोडलको भने पुरानै मूल्य कायम गरिएको छ ।

स्कुटरतर्फ १२५ सीसी क्षमताको रे–जीआर स्ट्रिट -याली, फेसिनो १२५ र रेजीआर डिस्क र ड्रम भेरिएन्टको मूल्यमा ८ हजार रुपैयाँको दरले वृद्धि भएको छ भने रे–जी ११३ सीसीको हकमा भने ६ हजार रुपैयाँ बढाइएको छ । यसैगरी ११३ सीसी क्षमताका फेसिनो र रे–जीआर स्ट्रिट -यालीको मूल्य पहिलेकै कायम गरिएको छ । नयाँ मूल्य सुचीलाई हेर्दा चर्चित र बजारमा धेरै बिक्री हुने मोडलको मूल्यमा वृद्धि गरिएको प्रष्ट देखिन्छ ।

यामाहाका बाइक र स्कुटरको नयाँ मूल्य सूची यहाँ हेर्न सकिन्छ ।