७.९९ प्रतिशत ब्याज दरमै यामाहा मोटरसाइकल र स्कुटर किन्न पाइने, सरल किस्तावन्दिको सुबिधा पनि

काठमाडौं – यामाहा नेपालले क्रिसमस र नयाँ वर्षको अवसर पारेर आफ्नो विशेष वित्तीय योजना ‘ड्रिम ईट, वन ईट’ सार्वजनिक गरेको छ । यस योजनाले ग्राहकहरूलाई केवल ७.९९ प्रतिशतको न्यून ब्याजदरमा यामाहा मोटरसाइकल र स्कुटर किन्न उत्कृष्ट अवसर प्रदान गरेको छ । सीमित अवधिका लागि ल्याइएको यस योजना २०७९ पुष १० (२०२४ डिसेम्बर२५) देखि लागु हुँदै आएको हो।

योजना सबै यामाहा मोटरसाइकल र स्कुटरहरूमा (शर्तहरू सहित) उपलब्ध हुनेछ । न्युनतम ४० प्रतिशत डाउन पेमेन्ट गरेर सरल किस्ताबन्दी योजनामा यामाहा मोटरसाइकल र स्कुटर खरिद गर्न सकिने कम्पनीको भनाई छ । साथै, यस योजनाले सरल कागजी प्रक्रिया रुचि अनुसारको किस्तावन्दि योजना रोज्ने सुविधा समेत प्रदान गर्दछ ।

यस योजनासँगै, यामाहा नेपालले ‘टेष्ट राइड एण्ड विन’ अभियान पनि ल्याएको छ । यस अभियानअन्तर्गत हरेक ग्राहकले यामाहा बाइक टेष्ट राइडमा सहभागी भएर निश्चित उपहारहरू पाउनेछन् । लक्की ड्रमार्फत आकर्षक उपहारहरू जित्ने अवसर पनि प्राप्त गर्नेछन् ।

‘ड्रिम ईट, वन ईट’ वित्तीय योजनामार्फत हामीले ग्राहकहरूका लागि यामाहा मोटरसाइकल र स्कुटरहरू अझ पहुँचयोग्य बनाउने लक्ष्य राखेका छौँ । यामाहाको उत्कृष्ट प्रदर्शन, भरपर्दो गुणस्तर र १०वर्ष वारेन्टी सहितको प्रतिबद्धताले १५ वर्ष देखिको एफआई नेतृत्वलाई सशक्त बनाउँदै ग्राहकहरूलाई अनुपम सवारी अनुभव प्रदान गर्ने छ’ एमएडब्लु राइड्सका कार्यकारी निर्देशक एवं सीईओ दीपककुमार अग्रवालले भने ।