यामाहाले यही वर्ष २ पावरफुल बाइक लन्च गर्दै, केटीएमसँग प्रतिस्पर्धा हुने

अटोमोबाइल बजारमा नेकेड र फेयर्ड बाइकको मिड सेगमेन्टमा केटीएम बाइकको प्रभुत्व रहेको छ । तर अब केटीएमको यो राजको अन्त्य गर्न यामाहाले २ वटा बाइक लन्च गर्न लागेको छ । सो बाइकले केटीएम ३९० बाइकसँग सिधा प्रतिस्पर्धा गर्नेछ ।

कम्पनीका अनुसार सो बाइक यसै वर्षको डिसेम्बरसम्ममा लन्च गरिने छ । यामाहाको यी २ बाइकको नाम यामाहा आर३ र यामाहा एमटी०३ राखिएको छ ।

यामाहा आर३ फेयर्ड बाइक हुनेछ । यसको डिजाइन वाइजेडएफ आर१५ बाट लिइएको हो । बाइकमा लिक्विड कुल्ड इन्जिन दिइएको छ । रिपोर्टका अनुसार दुबै बाइकमा ३२१ सीसी इन्जिन समावेश गरेको छ । सो इन्जिनले ४२ बीएचपी पावर र २९.५ एनएमको टर्क जेनेरेट गर्नेछ । एमटी०३ बाइकमा समान इन्जिन भए तापनि यो नेकेड बाइक हुनेछ ।

आर३ बाइक केटीएम आरसी ३९० सँग र एमटी०३ बाइक केटीएम ड्युक ३९०सँग प्रतिस्पर्धा गर्नेछ । कम्पनीले यी दुई बाइकको मूल्यबारे कुनै घोषणा गरेको छैन ।